Elordanyŋ student jastaryna arnalǧan reproduktivtı densaulyq boiynşa seminar öttı. Seminardy qalalyq Jastar saiasaty mäselelerı jönındegı basqarma men äkımdık janyndaǧy äielder ısterı jäne otbasy-demografiia saiasaty jönındegı komissiia ūiymdastyrdy.
Qala boiynşa «Astana Polytechnic» joǧary kolledjı, Astana qalasy joǧarǧy kölık jäne kommunikasiia kolledjı, M.Tynyşpaev atyndaǧy Qazaq kölık jäne kommunikasiia akademiiasynyŋ Aqmola kolledjı, «Tūran-Astana» universitetı, S.Seifullin atyndaǧy Qazaq agrotehnikalyq universitetınde ötken seminarda joǧarǧy sanatty därıger akuşer-ginekologtar därıs oqydy. Mamandar jastardyŋ reproduktivtı densaulyǧy, jynystyq jolmen berıletın aurular, otbasyn josparlau, jasöspırım jastaǧy jüktılık mäselelerı jaiynda aitty. Is-şaranyŋ maqsaty – studentterge reproduktivtı densaulyq turaly jan-jaqty aqparat berıp, kökeiınde jürgen sūraqtarǧa jauap beru.
– Bırınşıden, balalardyŋ aldynda barlyq mäselenı aşyq aitu kerek. Ekınşıden, er bala men qyz balanyŋ arasyndaǧy qarym-qatynas, olardyŋ jauapkerşılık aluy sekıldı taqyryptar qozǧaluy qajet. Qazırgı kezde jastardyŋ bärı közı aşyq, kökıregı oiau ärı sauatty, bılımdı. Sonda da bılıktı mamandardan naqty mäseleler tūrǧysynda neǧūrlym dūrys ärı mol aqparat alyp, köp aitsa, ömırde kezdesken qiyndyqty eŋsere alady. Negızınen, būl taqyrypty üide balaǧa aşyq aityp üirete bastau kerek. Mūndai otyrystardy aiyna bır ret ūiymdastyryp tūrǧan jön. Öitkenı jiı bolǧan saiyn onyŋ paidasy da köbırek bolady. Al būl taqyryp jabyq bolsa, jastardyŋ da qyzyǧuşylyǧy arta beredı, – dedı därıger-pediatr Gülnär Kuluşeva.
