Qazaqstan sportşylary sporttyŋ 17 türı boiynşa Olimpiadaǧa 50 lisenziia jeŋıp aldy, dep habarlaidy astana-akshamy.kz
Astana qalasynda Turizm jäne sport ministrlıgı men Olimpiadaǧa daiyndyq ştabynyŋ ökılderı Mäjılıs deputattarymen kezdesu ötkızıp, 2024 jyly Fransiianyŋ Parij qalasynda ötetın tört jyldyqytyŋ basty dodalary – Olimpiada jäne Paralimpiada oiyndaryna ūlttyq qūramanyŋ daiyndyǧyn baiandady.
Jiynǧa qatysqan Mäjılıs deputattary Ardaq Nazarov, Nūrlan Äuesbaev, Däulet Mūqaev, Qazybek İsa, Nartai Särsenǧaliev, Nūrgül Tau, Taŋsaule Serıkov ministrlık tarapynan atqarylyp jatqan jūmystarmen tanysty.
Öz kezegınde Olimpiadaǧa daiyndyq ştabynyŋ jetekşısı Elsiiar Qanaǧatov qazırgı taŋda Qazaqstan qūramasy tört jyldyq dodaǧa qanşa joldama jeŋıp alǧanyn atai kele keibır oblystyŋ sportşylary älı bır de bır joldamaǧa qol jetkıze almaǧanyn atap öttı.
«Bügıngı taŋda Qazaqstan sportşylary sporttyŋ 17 türı boiynşa 50 lisenziia (48 sportşy) jeŋıp aldy. Eŋ köp lisenziiaǧa Şymkent qalasynyŋ sportşylary qol jetkızıp otyr. Olardyŋ enşısınde — 10 joldama bolsa, Almaty qalasynyŋ sportşylarynda — 8, Şyǧys Qazaqstan oblysynda — 5, Jetısu men Türkıstan oblysynda — 4, Astana qalasy men Jambyl oblysynda — 3, Qyzylorda men Almaty oblysy — 2, SQO, BQO, Aqmola, Abai, Qaraǧandy, Aqtöbe oblystarynda bır-bırden lisenziia bar. Ökınışke qarai Qostanai, Maŋǧystau, Atyrau, Ūlytau jäne Pavlodar oblysynyŋ sportşylary älı bır de bır joldama ala almai keledı. Ärbır jergılıktı oblystyq sport basqarmalary būl olqylyqtyŋ ornyn toltyruy tiıs» dedı Elsiiar Qanaǧatov.
Sonymen qatar ştab basşysy alda, iaǧni mamyr aiynda Qazaqstan qūramasyn taǧy da köptegen lisenziialyq turirler kütıp tūrǧanyn, joldamalar sany älı de arta tüsetının jetkızdı.
«Mamyr aiynda dziudodan älem chempionatyna jäne körkem gimnastika men sporttyq gimnastikadan Aziia chempionattary ötedı. Būdan bölek, sportşylarymyz 15-ke juyq älemdık, aziialyq reitingtık halyqaralyq ırıkteu turnirlerınde öner körsetedı. Jospar boiynşa mamyr aiynda sportşylarymyz kem degende 20 joldama aluy qajet. Al Olimp oiyndaryna deiın jalpy 80-ge juyq joldamaǧa qol jetkızemız degen josparymyz bar» dedı ştab basşysy.
Sondai-aq, deputattar J. Üşkempırov atyndaǧy jekpe-jek saraiynda dziudoşylardyŋ OQJ qatysyp, sportşylarmen tıldestı. Soŋynan Qazaq kuresi akademiiasy tärbielenuşılerınıŋ jattyǧuyn tamaşalady.
