Astanada ekologiialyq bılımdı nasihattauǧa arnalǧan «Ekomektep» kıtabynyŋ tūsaukeserı öttı, dep habarlaidy astana-akshamy.kz
Elordada keşe «Qazaqstanda ekologiialyq aǧartudy ılgerıletu» taqyrybynda konferensiia öttı. Şaraǧa ǧalymdar, ekologtar, mektep direktorlary men memlekettık organdardyŋ ökılderı qatysty. Qatysuşylar ekologiialyq qauıpsızdıktıŋ özektı mäselelerın talqylady. Jiynda köpşılıkke «Ekomektep» innovasiialyq bılım beru kursy tanystyryldy.
«Ekomektep» kıtaby – 1-4 jäne 5-9 synyp oquşylary üşın arnaiy äzırlengen bıregei kıtap. Ol qorşaǧan ortanyŋ ärtürlı tūjyrymdamalaryn, praktikalyq keŋesterdı, nūsqaulardy tüsınıktı ärı qoljetımdı türde ūsynady.
Qazaqstan ekoqorynyŋ jetekşısı Aigül Abdualieva atalǧan ıs-şaranyŋ erekşelıgın jäne jastardyŋ ekologiialyq bastamalarǧa qatysuynyŋ maŋyzdylyǧyn atap öttı.
«Ekomekteptıŋ maqsaty – oqyrmandardy ıs-äreketke şabyttandyru jäne yntalandyru. Būl kıtap tek aqparat berıp qana qoimaidy, ol sonymen qatar qorşaǧan ortany qorǧauǧa baǧyttalǧan özgerısterge äkeledı. Kıtap kündelıktı ädetterdı ekologiialyq tūraqty ömır saltyna özgertuge kömektesetın praktikalyq keŋester men nūsqaulardy ūsynady. Bız ärbır kışkentai ärekettıŋ bızdıŋ ǧalamşarymyz üşın ülken özgerıster äkeluı mümkın dep sanaimyz jäne barşany qorşaǧan ortany qorǧauǧa qosqan ülesterı turaly oilanuǧa şaqyramyz», – dedı Aigül Abdualieva.
Aita ketsek, būl ıs-şara QR Mädeniet jäne aqparat ministrlıgı men «Azamattyq qoldau ortalyǧy» KeAQ qoldauymen Qazaqstannyŋ Ekologiialyq qorynyŋ «Ekologiialyq mädeniettı arttyru jäne jastar men balalar üşın qolaily ekologiialyq jaǧdailar jasau jönındegı keşendı şaralar» atty jobasy aiasynda jüzege asyryldy.
