Elordanyŋ bes joǧary oqu ornynyŋ studentterı arasynda «Youth Against Corruption: Jastar jemqorlyqqa qarsy» keis-chempionaty öttı, dep habarlaidy astana-akshamy.kz
Sybailas jemqorlyqqa qarsy ıs-qimyl agenttıgı «Jastar alauy» jastar ūiymymen bırlesıp, BŪŪ-nyŋ Esırtkı jäne qylmys jönındegı basqarmasynyŋ (BŪŪ EQB) qoldauymen ötkızgen ıs-şaraǧa elordanyŋ bes joǧary oqu ornynan (Nazarbaev Universitetı, Astana IT universitetı, L.N. Gumileva Euraziia ūlttyq universitetı, Maqsut Narikbayev University) 30-ǧa juyq student qatysty.
Is-şaranyŋ negızgı maqsaty – jastardyŋ boiynda jemqorlyqqa qarsy mädeniettı qalyptastyru jäne keistık mındetterdı şeşu arqyly jemqorlyqqa qarsy daǧdylardy damytu.
Chempionat barysynda qatysuşylarǧa jemqorlyqqa qarsy zaŋnamanyŋ negızderı, jastardyŋ halyqaralyq jemqorlyqqa qarsy bastamalary, qoǧamdyq baqylaudyŋ qoldanystaǧy qūraldary, sondai-aq jemqorlyqqa qarsy ıs-qimyldyŋ ǧylymi-praktikalyq aspektılerı tanystyryldy.
Spikerler retınde Sybailas jemqorlyqqa qarsy qyzmettıŋ, BŪŪ EQB, «Parlamentarizmdı damytu qory» QB jäne QR Prezidentı janyndaǧy Memlekettık basqaru akademiiasynyŋ ökılderı söz söiledı.
Alynǧan bılım, sondai-aq aşyq aqparat közderı negızınde qatysuşy toptar jemqorlyq jaǧdailaryn taldap, öz şeşımderın ūsyndy.
Is-şara qorytyndysy boiynşa qatysuşylarǧa sertifikattar men estelık syilyqtar tabys etıldı.
