Hajymūrat Rahimov 1924 jyly Aqmola qalasynda ömırge kelgen. Osy jerde mektep bıtırıp, sodan soŋ mūǧalımderdıŋ üş ailyq kursyn tämamdaidy, eŋbek jolyn ūstazdyqtan bastaidy. Tūtqiyldan sūrapyl soǧys bastalyp zamandastarymen qatar özı sūranyp, qolyna qaru alyp qan maidanǧa attanady.
Gurev oblystyq «Sosialistık qūrylys» gazetınıŋ jauapty hatşysy, «Esıl pravdasy» gazetınde bölım meŋgeruşısı, jauapty hatşy bolyp ıstegen. Selinograd (Aqmola) oblystyq atqaru komitetınde aǧa nūsqauşy, oblystyq televiziiada redaktor qyzmetterın atqarǧan. Alǧaşqy şyǧarmalary 1940 jyldan körıne bastady, KSRO Jazuşylar odaǧynyŋ müşesı. KSRO medaldarymen, 2-därejelı Otan soǧysy ordenımen marapattalǧan.
1953 jyly Qazaq memlekettık universitetı filologiia fakultetınıŋ jurnalistika bölımın bıtırgen.
Talai qiyndyqty bastan keşırgen taǧdyrly jazuşy öz közımen körgen, jaqsy bıletın ömırlık jailarǧa qalam terbegen. Jazuşynyŋ jiyrmasynşy ǧasyrdyŋ bas kezındegı Aqmola öŋırınıŋ qoǧamdyq, äleumettık erekşelıkterın, sol däuırdıŋ şyndyǧyn baiandaǧan «Seŋgır syrlary» trilogiiasy, osy trilogiianyŋ zaŋdy jalǧasy 1997 j. jaryq körgen «Qasıret qūrsauy» romany, ekınşı düniejüzılık soǧys taqyrybyna arnalǧan «Polk tuy», «Qyzǧaldaqtar», «Bauyrlastar beiıtı» povesterı jäne basqa şyǧarmalaryndaǧy oqiǧalar tartymdy, aitar oiy bar.
Hajymūrat Rahimovtyŋ jeke arhiv qory Astana qalasynyŋ memlekettık arhivınde saqtauly.
Ǧaziza İSAHAN
