Aqmola topyraǧy – talai talantty ömırge äkelgen tarihi ölke. Äsırese keşegı tyŋǧa türen salǧan kürdelı jyldarda būl aimaqtan aqyn-jazuşylar arylǧan joq. Qazaq ädebietınıŋ ırı ökılderı özderı bastap Selinograd jerındegı qarapaiym halyqtyŋ, auyl tūrǧyndarynyŋ tūrmys-tırşılıgımen tanysyp, olardyŋ ömır joly men jankeştı eŋbegın qalamnyŋ qarymymen būqaraǧa paş ettı.
Qazaq qalamgerlerınıŋ Selinogradqa eŋ köp at basyn būrǧan kezeŋ 1970-1975 jyldar eken. Osy jyldarda ölkede bırneşe seminar-keŋes ötıp, jergılıktı jas talanttardy qoldau baǧytynda şyǧarmaşylyq festival ūiymdastyrylypty. Jergılıktı halyqtyŋ esınde köbırek qalǧany – 1970 jyldyŋ tamyz aiynda Selinograd qalasynda qazaqstandyq aqyn-prozaikter aptalyǧynyŋ ötuı. Būǧan tyŋ ölkesı qalamgerlerınıŋ airyqşa daiyndalǧany aŋǧarylady. Osy saparda qazaqtyŋ beldı qalamgerlerı Dihan Äbılov, Ǧali Ormanov, Saǧynǧali Seiıtov, Jūban Moldaǧaliev, Qasym Qaisenov, taǧy basqalar apta boiy bırneşe ret oqyrmandarmen kezdesıp, tyŋ eŋbekkerlerıne özderınıŋ şyǧarmalary men aldaǧy şyǧarmaşylyq josparlaryn tanystyrypty. Şyǧarmaşylyq aptalyqtyŋ jemıstı bolǧany sonşa, osydan keiın köp keşıkpei Jūban Moldaǧaliev tatar aqyny Mūsa Jälel turaly özınıŋ ataqty «Jyr turaly dastan» jäne «Men qazaqpyn» poemalaryn ömırge äkelse, maidanger aqyn Saǧynǧali Seiıtov «Ömır örnekterı» men «Toǧysqan taǧdyrlaryn» jazdy.
Surette 1970 jyly Dihan Äbılov, Ǧali Ormanov, Qasym Qaisenov, Jūban Moldaǧaliev, Saǧynǧali Seiıtovtıŋ tyŋ ölkesındegı aqyn-jazuşylar aptalyǧy kezınde jas qalamgerlermen kezdesu sätı.
Ǧaziza İSAHAN
