Aqmola – S.Seifullinnıŋ ömırınde erekşe oryn alǧan qala. Qoǧam jäne memleket ısıne aralasqan, qairatker bolyp qalyptasqan Aqmola jerınde onyŋ qaldyrǧan ızı, qymbat mūrasy az emes. S.Seifullin muzeiın aşu mäselesı 1984 jyldan qozǧalyp, tek 1988 jyly qoǧamdyq pıkırdıŋ dümpuımen halyq igılıgıne ainaldy.
Qazaqstan Respublikasy Ministrler keŋesı 1988 jyly 21 qaŋtarda Selinogradta Säken Seifullin muzeiın aşu jönınde qauly qabyldaidy.Al 28 qaŋtarda Mädeniet ministrlıgı tiıstı būiryq şyǧarady. Aqmolalyqtar men qala qonaqtary dombyranyŋ äuezdı ünımen sol jyldyŋ 20 aqpanynda aiazdy künı aqyn älemı, aldaspan azamattyŋ ǧūmyr köşı bederlengen muzeidıŋ aşylu saltanatyna jinalady. Selinograd qalalyq atqaru komitetınıŋ töraǧasy Amanjol Quanyşūly Bölekbaev lentany qiiu qūrmetıne ie bolady. Selinograd oblystyq partiia komitetınıŋ bırınşı hatşysy Andrei Braun da būl şaraǧa qatysady.
Aqyn mūrajaiy künı bügınge deiın būqaraǧa qyzmet etıp keledı. Ekspozisiiasy alty zalda ornalasqan. Onda 5 myŋnan astam zat qoiylǧan. Būl, negızınen, jazuşynyŋ äielı men tuystary mūrajaiǧa tapsyrǧan jeke zattary, bıregei fotomaterialdar, kıtaptar, eşkımge belgısız qūjattar, mūraǧat qūjattarynyŋ köşırmelerı, gazet qiyndylary, sondai-aq jazuşynyŋ şyǧarmaşylyǧy men ömırıne arnalǧan müsınder men kartinalar, öner tuyndylary.
Surette Säken Seifullin muzeiınıŋ aşylu sätı.
Ǧaziza İSAHAN
