Qasym-Jomart Toqaev jyl saiyn Qytaidyŋ Hainan provinsiiasynda ötetın Boao Aziia forumynyŋ (BAF) plenarlyq sessiiasynyŋ aşylu räsımıne qatysty. Biylǧy 23-şı forum «Aziia jäne älem: ortaq syn-qaterler, ortaq jauapkerşılık» degen taqyrypta ötıp jatyr, dep habarlaidy astana-akshamy.kz.
Qazaqstan Prezidentı atalǧan forumda qūrmettı qonaq retınde söz söiledı.
Memleket basşysy jiyn qatysuşylaryna ıltipat bıldıre otyryp, qūbylmaly geosaiasi ahual men ekonomikalyq qiynşylyqtyŋ saldarynan tuyndaǧan jahandyq tūraqsyzdyq jaǧdaiynda būl platforma dialog pen halyqaralyq yntymaqtastyq ortalyǧy retınde maŋyzdy röl atqaratynyn atap öttı.
– Osy onjyldyqtyŋ ortasyna qarai jahandyq jalpy ışkı önımnıŋ ösu qarqyny soŋǧy 30 jylda eŋ tömengı deŋgeige tüsetını aiqyndala bastady. Sonymen qatar jetekşı elder arasyndaǧy sauda qatynastarynyŋ şielenısuı – älı de älemdık ekonomikanyŋ aldynda tūrǧan negızgı syn-qaterlerdıŋ bırı. Proteksionizm saiasaty men sauda daularynyŋ uşyǧuy jahandyq jetkızu tızbegın būzyp, ekonomikalyq ösımdı tejeidı, sondai-aq investorlardyŋ senımıne selkeu tüsıredı. Jahandyq ekonomikaǧa damudyŋ jaŋa paradigmasy kerek ekenı anyq. Būl mäselenı şeşe almasaq, taiau onjyldyqtaǧy mümkındıkter qolymyzdan susyp ketuı äbden yqtimal, – dedı Qasym-Jomart Toqaev.
