ASTANA. KAZINFORM – Astanada Şanhai yntymaqtastyq ūiymyna müşe memleketter Qorǧanys ministrlerınıŋ keŋesı bastaldy, dep habarlaidy astana-akshamy.kz
Qazaqstannyŋ ŞYŪ-ǧa töraǧalyǧy aiasynda ötetın ıs-şaraǧa İran, Qytai, Qyrǧyzstan, Päkıstan, Resei, Täjıkstan jäne Özbekstan Qorǧanys ministrlerı, Ündıstan Qorǧanys ministrınıŋ orynbasary qatysyp otyr.
Sondai-aq, otyrysqa Şanhai yntymaqtastyq ūiymynyŋ Bas hatşysy, ŞYŪ Aimaqtyq terrorizmge qarsy qūrylymy Atqaruşy komitetınıŋ direktory jäne Belarus Qorǧanys ministrı şaqyrylǧan.
Aita ketu kerek, säuırdıŋ basynda Prezident Qasym-Jomart Toqaev ŞYŪ-ǧa müşe memleketterdıŋ qauıpsızdık keŋesterı hatşylarymen kezdesken.
– Ötken jyly älemde öŋırlık jäne jergılıktı deŋgeide 183 qaqtyǧys boldy. Janjaldardyŋ sany şamamen 30 paiyzǧa artqan. Būl – soŋǧy otyz jyldaǧy eŋ joǧary körsetkış. Sarapşylar qaqtyǧystar men zorlyq-zombylyq äreketterınıŋ jahandyq sikly beleŋ alyp kele jatyr dep sanaidy. Osy rette halyqaralyq terrorizmnen de tönetın qauıp küşeiıp keledı, – dedı Memleket basşysy sol kezdesude.
