Astanada respublikalyq «Taza Qazaqstan» ekologiialyq aksiiasy aiasynda aty aŋyzǧa ainalǧan futbolşy Kolo Ture men Fadiga Halilu köşet otyrǧyzdy, dep habarlady astana-akshamy.kz
Bügın elımızge futboldan jas örenderdı ırıkteu maqsatynda «Super bol» jobasyna arnaiy kelgen Kolo Ture men Fadiga Halilu Astana qalasyndaǧy Qazaqstan futbol federasiiasy aumaǧynda köşet otyrǧyzu aksiiasyna qatysty.
«Qazaqstanǧa futbol jobasyna arnaiy qonaq retınde bırınşı ret keldım. Tek jasyl alaŋda ǧana emes, qalanyŋ ekologiiasyn saqtau maqsatynda ūiymdastyrylǧan aksiiaǧa qatysqanyma öte quanyştymyn. Būǧan deiın de köptegen qalalarda boldym. Al Astananyŋ özındık ädemılıgı bar. Tazalyǧy bır jolǧa qoiylǧany körınıp tūr. Bastysy menı syilap, şaqyrǧandaryŋyzǧa quanyştymyn!» — dedı kezınde «Arsenal», «Manchester Siti», «Liverpul» sapynda dop tepken futbolşy Kolo Ture.
Aita keteiık, 8 säuırde bastalǧan «Taza Qazaqstan: Astana – tazalyq pen tärtıptıŋ ülgısı» aksiiasy aiasynda 29 säuır ben 4 mamyr aralyǧynda qarttar üiı, ardagerler, qyzmet barysynda qaza tapqan qūqyq qorǧau organdary qyzmetkerlerınıŋ otbasy tūratyn üiler aumaǧyn abattandyruǧa baǧyttalǧan «Önegelı ūrpaq» taqyryptyq aptalyǧymen jalǧasyp jatyr.
Biyl Astanada barlyǧy 1,1 million jasyl jelek otyrǧyzu josparlanyp otyr. Üş aptada qalada 74 myŋnan astam köşet otyrǧyzyldy.
Esterıŋızge sala keteiık, 3 aptadan berı elordada «Taza Qazaqstan: Astana – tazalyq pen tärtıptıŋ ülgısı» ekoaksiiasy ötıp jatyr. Keŋ kölemdı ekologiialyq nauqan aiasynda qalany, nöser jäne suaru jüielerın sanitarlyq tazalau, köşelerdı, trotuarlardy, kvartalışılık aumaqtardy, qoǧamdyq oryndar men aulalardy tazalau jürgızılude. Sondai-aq jasyl jelekterdı kütıp-baptau jäne otyrǧyzu, sauda nysandaryna jaqyn aumaqtardy tazalau, kögaldar men gülzarlardy tazalau, rūqsat etılmegen qoqystardy joiu jäne t.b. jürgızıledı.
