Astanada tılderdı damytuǧa qosymşa 103 mln teŋge bölındı, dep habarlaidy astana-akshamy.kz
Astana qalasy ekonomika jäne biudjettı josparlau basqarmasynyŋ basşysy Qaisar Maŋqaraev qazaq jäne basqa da tılderdı damytuǧa qosymşa qarajat bölıngenın aitty.
«Dene şynyqtyru jäne sport basqarmasyna respublikalyq jäne halyqaralyq jarystarǧa qūrama komandalardy daiarlauǧa jäne qatysuǧa, jan basyna şaqqandaǧy qarjylandyruǧa memlekettık äleumettık tapsyrysqa, jasöspırımderge arnalǧan sport mektepterıne jabdyq satyp aluǧa jalpy somasy 3 mlrd 667 mln teŋge qarajat bölu közdelıp otyr», – dedı Qaisar Maŋqaraev qoǧamdyq keŋes otyrysynda.
Sondai-aq, basqarma basşysy Tılderdı damytu jäne arhiv ısterı basqarmasyna memlekettık tıldı jäne basqa da tılderdı damytuǧa qosymşa 103 mln teŋge bölıngenın aitty.
«Sonymen qatar Kölık jäne jol kölık infraqūrylymyn damytu basqarmasyna, kölık infraqūrylymyn damytuǧa jäne qoǧamdyq kölık tasymaldauşylarynyŋ şyǧystaryn subsidiialauǧa qosymşa 25 mlrd teŋge qarajat bölu ūsynylyp otyr. Kommunaldyq şaruaşylyq basqarmasyna nöser kärızderınıŋ kütımıne, ony tazartuǧa «Astana su arnasy» atmosferalyq jerüstı aǧyndaryn jıberu men tazartuǧa, sumen jabdyqtau jäne su būru jüiesın damytuǧa qosymşa 14 mlrd 254 mln teŋge qarajat bölu sūralady», – deidı Q. Maŋqaraev.
