Bügın 1 mamyr – Qazaqstan halqynyŋ bırlıgı künı merekesıne orai elordalyqtarǧa bauyrsaq pen tättı taratyldy, dep habarlaidy astana-akshamy.kz
Astana qalasy Jastar saiasaty mäselelerı basqarmasy «Astana jastary» jastar resurstyq ortalyǧymen bırlesıp, bırlık pen tatulyqtyŋ merekesınde «Bauyrsaq bırıktıredı» atty aksiiany ūiymdastyrdy.
«Bügıngı şuaqty künı volonterler astanalyqtar men qala tūrǧyndaryn osynau merekemen qūttyqtap, qazaqtyŋ ejelgı saltynyŋ negızınde däm auyz tigızdı. Söitıp, köpşılık köp şoǧyrlanatyn jerler men aialdamalarda elordalyqtarǧa 10 kelıdei bauyrsaq pen tättı taratyldy», – dedı Astana qalasy Jastar saiasaty mäselelerı basqarmasynyŋ qyzmetkerı Damir Aitymov.
Volonterlerdıŋ bırı David Şaripov ünemı igı ıstıŋ basy-qasynda jüredı. Ol būl ıs-şarada da belsendılık tanytty.
«Qazaqstandyqtardy osy etnosaralyq bırlık pen kelısım merekesımen qūttyqtaimyn. Bız bügın ūlttyq taǧamymyz – bauyrsaq taratu arqyly halqymyzdy bırtūtastyqqa şaqyryp, Otanǧa degen süiıspenşılık sezımın nyǧaitpaqpyz», – dedı volonter.
Elordalyqtar da merekelık tartuǧa rizaşylyqtaryn bıldırıp, özderınıŋ aqjarma aq tılekterın aitty.
Esterıŋızge sala keteiık, elordada «İgı ıster marafony» aksiiasy ötıp jatyr. Aksiianyŋ basty maqsaty – erıktıler men tūrǧyndarǧa halyqtyŋ äleumettık qorǧalmaǧan sanattaryna, qart adamdarǧa, mūqtaj zeinetkerlerge barynşa kömek körsetuge mümkındık jasau.
