«Salamatty Qazaqstan» medisinalyq poiyzy Astanadan şalǧai auyldarǧa attandy, dep habarlaidy astana-akshamy.kz
Därıgerler brigadasy bar medisinalyq poiyz 147 şalǧai auyl tūrǧyndaryna tegın ambulatoriialyq kömek körsetu üşın jolǧa şyqty.
Biylǧy jyly «Döŋgelektegı emhana» öz jūmysyn su tasqynynan zardap şekken batys öŋırlerden bastaidy jäne 90 myŋ auyl tūrǧyndaryn medisinalyq qyzmettermen qamtuǧa baǧyttalǧan.
«Jobanyŋ arqasynda stansiialardyŋ jäne oǧan ırgeles eldı mekenderdıŋ köptegen tūrǧyndary bılıktı därıgerlerden konsultasiia alyp, qandai da bır aurularǧa tekserıle alady. Biyl alǧaş ret mammograf satyp alyndy, onyŋ qyzmetterı de halyqqa qoljetımdı bolady. Poiyz jūmysyna 14 arnaiy maman qatysady.
Osylaişa, poiyz qyzmetınıŋ arqasynda adamǧa tiımdı kömek körsetuge bolatyn patologiiany erte kezeŋde anyqtau mümkındıgı artyp keledı», – dedı Densaulyq saqtau bırınşı vise-ministrı Timur Sūltanǧaziev medisinalyq poiyzdy şyǧaryp salu räsımınde.
Därıgerlık brigadanyŋ qūramynda terapevt, hirurg, pediatr, psiholog, nevropatolog, ultradybystyq diagnostika mamany, jalpy praktika därıgerı, rentgenolog, kardiolog, stomatolog, oftalmolog, otolaringolog, onkolog-mammolog, ginekolog jäne urolog medisinalyq kömek körsetedı.
Konsultasiialyq-diagnostikalyq kömekten basqa, medisinalyq poiyz mamandary şaǧyn operasiialar jürgıze alady, stasionarlarǧa josparly emdeluge joldama bere alady.
Medpoiyzdyŋ qozǧalys kestesı şalǧaidaǧy stansiialarda medisinalyq punktterdıŋ bolmauyn eskere otyryp, sondai-aq azamattar men memlekettık organdar ötınışterınıŋ negızınde äzırlendı.
Medisinalyq brigada därıgerlerı auyl tūrǧyndaryna medisinalyq-sanitariialyq alǧaşqy jäne konsultasiialyq-diagnostikalyq kömek körsetedı, ärbır stansiiada orta eseppen 1-2 kün bolady.
«Salamatty Qazaqstan» poiyzy – bıregei joba. Prezident janyndaǧy Äielder ısterı jäne otbasylyq-demografiialyq saiasat jönındegı ūlttyq komissiianyŋ jobaǧa jan-jaqty qoldau körsetuı maŋyzdy. Medisinalyq konsultasiialar men diagnostika jürgızuden basqa, şalǧaidaǧy eldı mekenderdıŋ tūrǧyndaryna mediasiialyq-qūqyqtyq jäne psihologiialyq kömek körsetıledı, daulardy şeşu, ötınışterdı qabyldau, azamattardyŋ qūqyqtary men müddelerın qorǧau boiynşa şaralar qabyldanuda», – dep atap öttı QR Mädeniet jäne aqparat vise-ministrı Evgenii Kochetov.
2010 jyldan bastap «Medisinalyq poiyzdar» jobasy elımızdıŋ barlyq öŋırlerınde 1991 stansiiaǧa bardy, 658 407 adam, onyŋ ışınde 142 660 bala zerttelıp-qaraldy. Därıgerlerdıŋ qarap-tekserulerınıŋ sany şamamen 3,5 mln, 29 myŋǧa juyq şaǧyn ambulatoriialyq operasiia jasaldy, 169 myŋ tūrǧynǧa stomatologiialyq kömek körsetıldı.
Äleumettık joba QR Prezidentı janyndaǧy Äielder ısterı jäne otbasylyq-demografiialyq saiasat jönındegı ūlttyq komissiianyŋ, QR Densaulyq saqtau ministrlıgınıŋ jäne «Samruk-Kazyna Trust» äleumettık jobalardy damytu qorynyŋ «Samūryq-Qazyna» AQ kompaniialar tobynyŋ ärıptestıgı kezınde ıske asyrylady.
