Elordada 10-12 mamyr künderı dziudodan ötetın Qazaqstan Barysy Grand Slam jarysyna qatysatyn sportşylardyŋ esımderı belgılı boldy, dep habarlaidy astana-akshamy.kz
Dziudo federasiiasynyŋ baspasöz qyzmetı mälım etkendei, Astanaǧa 3 Olimpiada, 13 älem chempiony kele jatyr. Al jalpy Parij Olimpiadasyna ūpai beretın būl jarysqa 92 elden 519 sportşy tırkelgenı anyqtaldy.
Halyqaralyq dziudo federasiiasynyŋ küntızbesıne Qazaqstan Barysy Grand Slam atauymen engen jarys qatysuşylarynyŋ qatarynda dziudo sportynyŋ jaryq jūldyzy, üş dürkın Olimpiada chempiony, 12 dürkın älem chempiony Teddi Rinerden (Fransiia) bastap, Olimpiada jeŋımpazdary men jüldegerlerı Akira Sone (Japoniia), Rafaelia Silva (Braziliia), Baul An (Oŋtüstık Koreia), älem chempiondary men jüldegerlerı Krista Deguchi (Kanada), Tsogtbaatar Sendochşir (Moŋǧoliia), Djordj Fonseka (Portugaliia), Van T End Noel (Niderlandy), Valid Kiar (Fransiia), Tasuru Saito (Japoniia), Grand Slam jeŋımpazdary Doston Roziev (Özbekstan), Elios Mansi (İtaliia), Baruh Şmailov (İzrail), Kubanychbek Aibekuulu (Qyrǧyzstan) bar.
Esterıŋızge sala ketsek, elımız jarysty qabyldauşy retınde är salmaq därejesınde maksimaldy 4 sportşydan şyǧaruǧa qūqyly. Jaqsylyq Üşkempırov atyndaǧy jekpe-jek saraiynyŋ törınde ötetın älemdık dodada Qazaqstan sapynan ekı dürkın Olimpiada jüldegerı Eldos Smetov, Grand Slam chempiony Maǧjan Şamşadin, älem chempionatynyŋ kümıs jüldegerı Ǧūsman Qyrǧyzbaev, Gran Pri jarystarynyŋ jüldegerı Ǧaliia Tynbaeva bastaǧan sportşylar el namysyn qorǧaidy.
Būl bäsekenıŋ nätijesınde IJF erejelerıne säikes jarystyŋ jeŋımpazdary men jüldegerlerı arasynda Älemdık jäne olimpiadalyq reitingılerde ūpailar bölınedı. Atap aitqanda, I oryn üşın 1 000, II oryn üşın – 700, al III oryn üşın – 500 ūpai esepteledı.
Bairaqty doda 2024 jyly Parijde ötetın jazǧy Olimpiada oiyndarynyŋ qarsaŋyndaǧy soŋǧy lisenziialyq Grand Slam jarysy bolmaq.
