Elordada «Taza Qazaqstan: Astana – tazalyq pen tärtıptıŋ ülgısı» ekoaksiiasy aiasynda «Nūrly jürek» äleumettık qyzmet körsetu ortalyǧynyŋ aumaǧynda aǧaş otyrǧyzu ıs-şarasy öttı, dep habarlaidy astana-akshamy.kz
Oǧan atalmyş mekemenıŋ, Almaty audany äkımdıgınıŋ qyzmetkerlerı, «Jas sarbaz» qozǧalysynyŋ tärbielenuşılerı, jastar ūiymdarynyŋ ökılderı, qoǧam qairatkerlerı men erıktıler qatysty.
Ortalyq aumaǧyna 40-qa juyq alma aǧaşy otyrǧyzyldy.
«Nūrly jürek» äleumettık qyzmet körsetu ortalyǧynyŋ direktory Nūrbol Zūlqarnaev ärbır azamat qalanyŋ damuyna üles qosuǧa mındettı ekenın atap öttı.
«Bügın «Taza Qazaqstan» aksiiasy aiasynda «Nūrly jürek» ortalyǧynyŋ aumaǧynda 40 alma aǧaşy otyrǧyzyldy. Bızdıŋ ortalyqta 271 bala arnaiy äleumettık qyzmetter alady jäne bolaşaqta olardyŋ alma baǧy bolady dep ümıttenemız. Bız är beisenbıde qosymşa ekoaksiia ötkızıp, aumaqty tazalaimyz. Ärqaisymyzda azamattyq sana boluy kerek. Tazalyqty saqtap, qalany retke keltıruımız qajet», – deidı Nūrbol Zūlqarnaev.
Aita keteiık, būl apta «Önegelı ūrpaq» dep atalady jäne ardagerler aulalary men qarttar üilerınıŋ aumaǧyn tazalauǧa jäne abattandyruǧa arnalǧan.
«Önegelı ūrpaq» ekoaptasy aiasynda bız 4 mekteptıŋ aumaǧynda, sondai-aq «Nūrly jürek» äleumettık qyzmet körsetu ortalyǧynda aǧaş otyrǧyzu ıs-şarasyn ötkızdık. Ortalyq aumaǧynda 40-qa juyq aǧaş otyrǧyzdyq. Aita ketu kerek, basqa mektepterdıŋ aumaǧynda alma aǧaştary men qarapaiym köşetter otyrǧyzu josparlanyp otyr», – dedı Astana qalasy äkımdıgınıŋ jastar saiasaty mäselelerı basqarmasynyŋ resmi ökılı Älıbek Jüsıpov.
Eŋ aldymen, ıs-şaraǧa qatysuşylar aulanyŋ ışındegı qoqystardy tazalap, aumaqty sypyryp, aǧaş otyrǧyzu üşın qajettı qūraldardy daiyndady.
«Jas sarbaz» qozǧalysynyŋ tärbielenuşılerımen bırlesıp, bız «Taza Qazaqstan» ekoaksiiasyna, atap aitqanda aǧaş otyrǧyzuǧa qatystyq. Aksiianyŋ maŋyzdy ekenın atap ötkım keledı jäne tört apta boiy bız qalany tazalap kelemız. Aksiia jastardy dūrys ıs-äreketke baǧyttaidy», – dedı «Baqytty Şaŋyraq» qoǧamdyq qorynyŋ basşysy Botagöz Sūltanova.
Aksiiaǧa qatysuşy, «Jas sarbaz» tärbielenuşısı Albina Qairollaeva öz pıkırımen bölıstı.
«Bız balalarmen bırge «Taza Qazaqstan» bastamasyn qoldau üşın qatysamyz. Menıŋ oiymşa, qalany tazalau arqyly bız densaulyǧymyzdy jaqsartamyz. Sondyqtan äleumettık qyzmet körsetu ortalyqtarynyŋ aumaǧynda senbılıkter ūiymdastyru asa maŋyzdy», – deidı Albina Qairollaeva.
Esterıŋızge sala keteiık, elordada «Taza Qazaqstan: Astana – tazalyq pen tärtıptıŋ ülgısı» atty auqymdy ekologiialyq aksiia ötıp jatyr.
Auqymdy ekoaksiia aiasynda qalany sanitarlyq tazartu, nöser jäne aryq kärız jelılerı, köşelerdı, trotuarlardy, kvartalışılık aumaqtardy, qoǧamdyq keŋıstıkter men aulalardy tazalau jūmystary jürgızılude.
Sondai-aq, jasyl jelekterdı kütıp-baptau jäne otyrǧyzu, sauda nysandaryna ırgeles aumaqtardy jinau, kögaldar men gülzarlardy ornatu, rūqsat etılmegen poligondardy joiu jäne t.b. jūmystar jürgızılude.
