Astanada käsıpkerler üşın halyq arasynda naşaqorlyqtyŋ taraluyna qarsy ıs-qimyl boiynşa profilaktikalyq äŋgıme ötkızıldı, dep habarlaidy astana-akshamy.kz
Tüngı klubtardyŋ, meiramhanalar men kafelerdıŋ basşylary qoǧamnyŋ özektı mäselelerınıŋ bırı – naşaqorlyqty talqylau üşın jinaldy.
Elorda äkımdıgınıŋ, onyŋ ışınde Qoǧamdyq densaulyq saqtau basqarmasynyŋ, Polisiia departamentınıŋ ökılderı esırtkı zattaryna qarsy ıs-qimyl, olardy taratu jäne qoldanu bölıgınde QR zaŋnamasynyŋ normalaryn tüsındırdı.
«Statistika körsetkendei, esırtkıge täueldılık jaŋa kürdelı formalarǧa ie bolady. Esırtkı zattaryn taratuǧa jäne tūtynuǧa jol bermeu üşın jauapkerşılıkke erekşe nazar audarylady. Būl baǧytta qalanyŋ eŋ köp baratyn oiyn-sauyq mekemelerınıŋ ökılderımen kezdesuler ötkızıledı. Būl mäselenı şeşude ärtürlı bilık organdary men käsıpkerlık qoǧamdastyq arasyndaǧy özara ıs-qimyl maŋyzdy bolyp sanalady. Sondyqtan bız barlyq qatysuşylardy öz jūmystaryn jäne qoldaudy jandandyruǧa şaqyramyz», – dedı qalalyq İnvestisiialar jäne käsıpkerlıktı damytu basqarmasy basşysynyŋ orynbasary Maqsat Jaŋabaev.
Qalalyq polisiia departamentınıŋ esırtkı qylmysyna qarsy ıs-qimyl basqarmasynyŋ bölım bastyǧy Oljas Rahimov atap ötkendei, tüngı klubtarda sintetikalyq esırtkıler keŋ taralǧan.
«Mekemeler ÄQBtK-nıŋ 422-baby boiynşa «esırtkı qūraldaryn, psihotroptyq zattar men prekursorlardy ötkızu jäne (nemese) medisinalyq emes tūtynudyŋ jolyn kesu şaralaryn qoldanbau» boiynşa äkımşılık jauaptylyqta bolady.
Aiyppūl 1000 AEK-ke deiın salynady. Bıraq bız mekeme ielerıne esırtkınıŋ taraluyn baqylau öte qiyn ekenın tüsınemız. Tyiym salynǧan zattardy tek qyzmetkerler ǧana emes, mekeme qonaqtary da ala alady. Sondyqtan bız profilaktikalyq äŋgımeler ūiymdastyryp, qyraǧy boluyŋyzdy sūraimyz», – dedı Oljas Rahimov.
Elordalyq psihikalyq densaulyq ortalyǧy direktorynyŋ orynbasary Daniiar Şaltaqov naşaqorlyq problemasynyŋ auyrlyǧyn da atap öttı.
Onyŋ aituynşa, Astanada esırtkı esebınde tūrǧan azamattar sanynyŋ tömendeu ürdısı baiqalady.
Alaida naşaqorlyqqa tap bolǧan barlyq qala tūrǧyndary medisinalyq mekemelerden kömek sūramaidy.
Kezdesu soŋynda İnvestisiialar jäne käsıpkerlıktı damytu basqarmasy basşysynyŋ orynbasary Maqsat Jaŋabaev Astana käsıpkerlerın äleumettık jauapkerşılıktı este saqtauǧa jäne memleketke esırtkı qylmysyna qarsy ıs-qimylǧa järdemdesuge şaqyrdy.
