Elordada «Taza Qazaqstan. Astana – tazalyq pen tärtıptıŋ ülgısı» ekoaksiiasynyŋ «Önegelı ūrpaq» aptalyǧy ötıp jatyr, dep habarlaidy astana-akshamy.kz
Respublikalyq ekoaksiiaǧa Dene şynyqtyru jäne sport basqarmasyna qarasty №2 jäne №5 mamandandyrylǧan olimpiadalyq rezervtegı balalar-jasöspırımder sport mektebı men Olimpiadalyq rezerv daiyndau ortalyǧynyŋ qyzmetkerlerı qatysty.
Ekoaksiia aiasynda mekeme qyzmetkerlerı men bırqatar sportşylar ardagerdıŋ aulasyn tazalap, şöpterın oryp, aulanyŋ qoqystaryn şyǧardy.
Aita ketu kerek, qalalyq sport basqarmasyna baǧynysty mekemelerdıŋ qyzmetkerlerı «Önegelı ūrpaq» aptalyǧy aiasynda qiyn ömırlık jaǧdaidaǧy balalardy qoldau ortalyǧynyŋ aumaǧyn, qala tūrǧyny bırınşı toptaǧy mügedektıgı bar Beren Ötebaevanyŋ aulasyn, Prigorodnyi tūrǧyn alabynda ornalasqan zeinetkerdıŋ baqşasyn, bırneşe köpbalaly otbasylarynyŋ aulalaryn qoqystan tazartu men abattandyru boiynşa kömektı erıktı türde körsettı.
Osy apta «Önegelı ūrpaq» dep atalady jäne ardagerler aulalary men qarttar üilerınıŋ aumaqtaryn tazalauǧa jäne abattandyruǧa arnalǧan.
Auqymdy ekoaksiia aiasynda qalany sanitarlyq tazartu, nöser jäne aryq kärız jelılerı, köşelerdı, trotuarlardy, kvartalışılık aumaqtardy, qoǧamdyq keŋıstıkter men aulalardy tazalau jūmystary jürgızılıp jatyr.
