«Alaş» saiabaǧynda ekoaksiia kezınde alma aǧaştary otyrǧyzyldy, dep habarlaidy astana-akshamy.kz
«Taza Qazaqstan. Astana – tazalyq pen tärtıptıŋ ülgısı» auqymdy ekologiialyq aksiiasy aiasynda Bırıkken mūrajailar direksiiasy MKQK jäne Astana qalasy Mädeniet basqarmasynyŋ qyzmetkerlerı «ALJİR” mūrajai-memorialdyq keşenınıŋ “Alaş” saiabaǧynyŋ aumaǧyn tazartty.
Ekoaksiia barysynda alma aǧaştarynyŋ 20 köşetı otyrǧyzyldy.
Esterıŋızge sala keteiık, elordada «Taza Qazaqstan: Astana – tazalyq pen tärtıptıŋ ülgısı» atty auqymdy ekologiialyq aksiiasy aiasynda qarttar üilerı, ardagerler, qyzmet atqaru kezınde qaza tapqan qūqyq qorǧau organdary qyzmetkerlerınıŋ otbasylary tūratyn üilerdıŋ aumaǧyn abattandyruǧa baǧyttalǧan «Önegelı ūrpaq» taqyryptyq aptalyǧy qarqyndy ötude. Qalanyŋ ärbır tūrǧyny maŋyzdy aksiiaǧa öz ülesın qosa alady.
Auqymdy ekoaksiia şeŋberınde qalany sanitarlyq tazartu, nöser jäne aryq kärız jelılerı, köşelerdı, trotuarlardy, oramışılık aumaqtardy, qoǧamdyq keŋıstıkter men aulalardy tazalau jūmystary jürgızılude. Sondai-aq jasyl jelekterdı kütıp-baptau jäne otyrǧyzu, sauda nysandaryna ırgeles aumaqtardy jinau, kögaldar men gülzarlardy ornatu, rūqsat etılmegen poligondardy joiu jäne t. b. jūmystar jürgızılude.
