Astanada «Taza Qazaqstan» ekoaksiiasy aiasynda «Şarapat» äleumettık qyzmet körsetu ortalyǧy aumaǧyna aǧaş otyrǧyzyldy, dep habarlaidy astana-akshamy.kz
İgı şaraǧa qalalyq mäslihat deputattary, Saryarqa audany äkımınıŋ apparaty, qalalyq basqarma ökılderı men erıktıler qatysty.
Ortalyq aumaǧyna qylqan japyraqty, qaiyŋ, qaraǧai siiaqty 50-den astam aǧaş otyrǧyzyldy.
Mäslihat deputaty Erlan Däkenov kögaldandyru jūmysyna qatysyp, ekoaksiiaǧa belsendı atsalysu ärıbır azamattyŋ paryzy ekenın atap öttı.
«Bügın mäslihat deputattary «Şarapat» äleumettık ortalyǧyna kelıp, özımızdıŋ ülesımızdı qosyp jatyrmyz. Būl bırınşı ret emes, iaǧni säuır aiy bastalǧaly qalamyzdyŋ bırneşe aimaǧynda tal ektık. Jasyl jelek qalamyzdyŋ körkeiuı üşın kerek dep oilaimyn. Sondyqtan da osyndai kögaldandandyru jūmysyna belsendı atsalysu kerek»,- dedı Erlan Däkenov.
Äleumettık qyzmet körsetu ortalyǧynyŋ direktory Ardaq Seiıtovanyŋ sözınşe, būǧan deiın ortalyq aumaǧyna 500 tüp aǧaş otyrǧyzylǧan.
Ortalyq aumaǧynda özderıŋız körıp tūrǧandai «Ardagerler» alleiasy bar. Jalpy bızde senbılıkter jiı ötıp tūrady. Ortalyqtyŋ qyzmet aluşylardyŋ basym köpşılıgı qarttar bolǧandyqtan, qaladaǧy barlyq mekeme qyzmetkerlerı kömektesıp tūrady», – dedı ortalyq direktory.
Sondai-aq, äleumettık ortalyqta Jeŋıs künı qarsaŋynda audannyŋ mädeni mekemelerı ūiymdastyrǧan merekelık konsert öttı.
Osy apta «Önegelı ūrpaq» dep atalady jäne ardagerler aulalary men qarttar üilerınıŋ aumaqtaryn tazalauǧa jäne abattandyruǧa arnalǧan.
Auqymdy ekoaksiia aiasynda qalany sanitarlyq tazartu, nöser jäne aryq kärız jelılerı, köşelerdı, trotuarlardy, kvartalışılık aumaqtardy, qoǧamdyq keŋıstıkter men aulalardy tazalau jūmystary jürgızılıp jatyr.
Sondai-aq, jasyl jelekterdı kütıp-baptau jäne otyrǧyzu, sauda obektılerıne ırgeles aumaqtardy jinau, kögaldar men gülzarlardy ornatu, rūqsat etılmegen poligondardy joiu jäne t.b. jūmystar jürgızılude.
