Biyl 1 säuırde bastalǧan bırınşı synypqa ötınımder men qūjattar qabyldau 31 tamyzǧa deiın jalǧasady, dep habarlaidy astana-akshamy.kz QR Oqu-aǧartu ministrlıgı saityna sılteme jasap.
Ata-ana balalarynyŋ qūjattaryn egov.kz elektrondy ükımetınıŋ veb-portaly arqyly bere alady. Jalpy jaŋa oqu jylynda bırınşı synypqa 370 myŋnan astam qazaqstandyq bala barady dep kütılude.
«Bügıngı taŋda 242 myŋnan astam ötınım kelıp tüstı. Bırınşı synypqa qabydau boiynşa eŋ köp ötınım Türkıstan, Almaty, Qyzylorda oblystarynda, sondai-aq Almaty, Astana qalalarynda tırkelıp otyr», – dep habarlady QR Oqu-aǧartu ministrlıgı Orta bılım beru komitetı.
Azamattarǧa qolaily boluy üşın, būl qyzmet türı avtomattandyrylyp, qūjattardy qabyldau egov.kz veb-portaly arqyly jürgızılude. Bırınşı synypqa balalar alty jastan bastap, ata-anasynyŋ nemese zaŋdy ökılınıŋ ötınışı negızınde qabyldanady.
Portal arqyly ūsynylatyn qūjattar:
1) Ata-anasynyŋ nemese zaŋdy ökıldıŋ ötınışı;
2) 065/e nysanyndaǧy «Profilaktikalyq ekpeler kartasy» jäne №052-2/e nysanyndaǧy «Bala densaulyǧy kartasy» medisinalyq qūjattary;
3) Balanyŋ 3h4 sm kölemındegı sifrlyq fotosuretı.
Ötınışter demalys jäne mereke künderın qospaǧanda, düisenbıden jūmaǧa deiın qabyldanady
