Elordadaǧy №1 köpsalaly qalalyq auruhananyŋ därıgerlerı türlı jaraqattar men syrqattardan keiın rekonstruksiialyq ota jasaudy qajet etken 100-den asa nauqastyŋ ömır süru jaǧdaiyn qalpyna keltırdı. Būl turaly dep «Äleumettık medisinalyq saqtandyru qory» KEAQ Astana filialyna sılteme jasai otyryp Elorda.info saity habarlady.
Nauqastarǧa būl kürdelı de qymbat otalar – joǧary mamandandyrylǧan rekonstruksiialyq kömek MÄMS jüiesı boiynşa tegın jasalady. Rekonstruksiialyq plastikalyq hirurgiia jai ǧana plastikalyq hirurgiia emes. Hirurgiianyŋ būl salasy jaraqattardyŋ, küiıkterdıŋ, tua bıtken jäne jüre paida bolǧan aqaulardyŋ saldaryn qalpyna keltırumen ainalysady. Rekonstruksiialyq hirurgiianyŋ maqsaty – eŋ aldymen dene müşelerınıŋ qyzmetın, sondai-aq estetikalyq körınısın qalpyna keltıru.
«Rekonstruksiialyq hirurgiiadaǧy ärbır derlık jaǧdai jan-jaqty daiyndyqty jäne ūzaq uaqyt qalpyna keltırudı qajet etedı. Bızdıŋ pasientterımızdıŋ jaǧdaiynda köbıne hirurgiialyq aralasudyŋ bırneşe satysyn qajet etedı. Eŋ bastysy, būl otalardy pasientterge tegın MÄMS aiasynda jasauǧa mümkındıgımız bar, äitpese, oilap qaraŋyz, tek bır nauqasqa sapaly ömır saltyna oralu üşın şamamen 8-9 qymbat ota qajet boluy mümkın» deidı Astana qalasyndaǧy №1 köpsalaly qalalyq auruhananyŋ joǧary sanatty plastikalyq hirurgı Nūrlybek Bekbauov.
