Bügın, 12 mausym – Düniejüzılık balalar eŋbegıne qarsy küres künı. Būl kün bükıl älemde oqudyŋ ornyna jūmys ısteuge mäjbür bolǧan milliondaǧan balalarǧa nazar audarudy maqsat etedı, dep habarlaidy astana-akshamy.kz.
BŪŪ mälımetı boiynşa 160 million bala eŋbekke tartylǧan. Būl – älemdegı ärbır onynşy bala jūmys ısteidı degendı körsetedı.
Biyl Balalar eŋbegıne qarsy küres künı – Balalar eŋbegınıŋ eŋ naşar türlerıne tyiym salu jäne joiu jönındegı şūǧyl şaralar turaly konvensiianyŋ qabyldanǧanyna 25 jyl toluyna arnaldy.
Aita keteiık, Qazaqstan būl Konvensiiany 2002 jyly ratifikasiialaǧan, sondai-aq jūmysqa ornalasu üşın eŋ tömengı jas turaly konvensiia da qabyldanǧan bolatyn.
Osyǧan qaramastan, jasöspırımderdı zaŋsyz jūmysqa tartu faktılerı älı de oryn aluda. Sondyqtan būǧan qarsy jüielı, salmaqty küres jürgızu qajet. Balalar eŋbegı jetkınşekterımızdı qūqyǧynan aiyrady jäne olardyŋ bolaşaǧyna qauıp töndıredı.
Balalar eŋbegın joiu jönındegı jūmys bırlesken küş-jıgerdı qajet etedı ärı bılım beru men äleumettık qyzmetterden bastap qūqyq qorǧau ūiymdaryna deiıngı barlyq deŋgeide jürgızıluı kerek.
Olardyŋ qauıptı jūmys oryndarynda jūmys jasauyna jol bermeu jäne qauıpsız mektepter men sapaly bılım berudı qamtamasyz etu üşın älı de bıraz jūmys ısteu qajet. Al bala eŋbek jasyna jetken jaǧdaida, oǧan qauıpsız eŋbek jaǧdailaryn jasau bızdıŋ paryzymyz.
Bız bırge būl mäselenıŋ aldyn alamyz. Eger sızdıŋ ainalaŋyzda densaulyǧyna, qauıpsızdıgıne nemese moraldyq qasietterıne qauıp töngen balalar bolsa, qūzyrly organdarǧa habarlaŋyz, bei-jai qarap qalmaŋyz. Qauıpsız, baqytty bolaşaqty, balalyq şaqty bırge jasaiyq!
