Elordada qoǧamda qūqyq būzuşylyqtarǧa müldem tözbeuşılıktı qalyptastyru boiynşa jūmystar jürgızılude, dep habarlaidy astana-akshamy.kz.
Qūqyq būzuşylyqtarǧa müldem tözbeuşılıktıŋ negızgı qaǧidasy, memlekettegı barlyq azamattardyŋ tärtıp pen qauıpsızdık üşın jauaptylyǧy bolyp tabylady.
Ärbır tūrǧyn özınıŋ qoǧamdaǧy azamattyq ūstanymyn körsetıp tıptı eŋ ūsaq jäne eleusız qūqyq būzuşylyqtardy jasauǧa jol bermeuı, al kez-kelgen qūqyq būzuşylyqty baiqaǧan boida oǧan bei-jai qaramai, būl turaly dereu qūqyq qorǧau organdaryna habarlau qajet.
Qalalyq prokuraturanyŋ üilestıruımen polisiia Departamentı men jergılıktı atqaruşy organdar qoǧamda kez kelgen qūqyq būzuşylyqqa tözbeuşılık baǧytynda tiıstı jūmystardy jürgızude.
Köp jaǧdaida mūndai äreketterdı azamattar qasaqana jasaidy.
Aǧymdaǧy jyly bötennıŋ mülkın qasaqana büldırgenı, qoǧamdyq oryndardy lastaǧany, ǧimarattar men tūrǧyn üi-jailardy qorlaǧany üşın sotpen 72 adam jauapqa tartylyp, onyŋ ışınde 32 adamǧa aiyppūl salyp, 40 adamdy qamaqqa alǧan.
Mysaly, 11 qaŋtarda saǧat 02:50 şamasynda astanalyq tūrǧyn mas küiınde «King Otel» qonaq üidıŋ nömerınıŋ esıgın teuıp, 80 myŋ teŋgenı qūraǧan materialdyq şyǧyn keltırgen. Ol 5 täulıkke qamaqqa alyndy.
Taǧy bır mysal, 20 qaŋtar künı saǧat 02:30-da Kerei Jänibek handar köşesındegı şaǧyn markette 28 jastaǧy astanalyq tūrǧyn mas küiınde satuşymen janjal şyǧarǧan, osydan keiın dükennıŋ jabdyqtary men tauarlaryn syndyrǧan. Oǧan 69 myŋ teŋge aiyppūl salyndy.
Ūqsas jaǧdai, 4 aqpanda şamamen 12:30-da 24 jastaǧy qala tūrǧyny mas küiınde bola tūra Potanin köşesı boiynda ornalasqan kafenıŋ jarnamalyq belgısın ädeiı zaqymdaǧan. Şyǧyn 100 myŋ teŋgenı qūrady. Qūqyq būzuşy 5 täulıkke äkımşılık qamaqqa alyndy.
Prokuratura qala tūrǧyndarymen qonaqtaryn qoǧamdyq oryndarda bylapyt söileu, jeke tūlǧalarǧa qorlap tiısu, ǧimarattardy, özge de qūrylysjailardy, tūrǧyn üi – jailardy, özge de qoǧamdyq oryndardaǧy ortaq paidalanylatyn oryndardy, mülıktı büldıru jäne ainalasyndaǧylarǧa syilamauşylyqty bıldıretın, qoǧamdyq tärtıptı jäne jeke tūlǧalardyŋ tynyştyǧyn būzatyn basqa da osyndai äreketterı üşın 15 täulıkke deiıngı merzımge äkımşılık qamaqqa alu türındegı jaza közdelgenın eskertedı.
