Sot-saraptamasynyŋ «Sot-seksologiialyq saraptama» degen jaŋa türı engızılmek
Elımızde sot-saraptamasynyŋ «Sot-seksologiialyq saraptama» degen jaŋa türı engızıletın bolady, dep habarlaidy astana-akshamy.kz
Osy maqsatta Astana qalasynyŋ Sot saraptamalary ǧylymi-praktikalyq ortalyǧynyŋ 3 sot sarapşysy Belarus Respublikasynda oqudan öttı. Qazırgı uaqytta «Sot-seksologiialyq saraptama» türı boiynşa ädısteme äzırlenude.
Būl turaly Ädılet ministrlıgınıŋ resmi ökılı Talǧat Uäli bügın ötken kezektı baspasöz maslihatynda habarlady.
Öz baiandamasynda ol ädılet organdary tarapynan atqaryp jatqan jūmystarmen tanystyrdy. Sonyŋ ışınde ziiatkerlık menşık jäne ony tırkeu, seleksiialyq jetıstıkter, Marrakeş şartyn ratifikasiialau turaly Zaŋ jobasy, jaŋadan patenttelgen önertabystar turaly aitty. Odan bölek, sot-saraptama qyzmetıne qatysty, sintetikalyq esırtkılemen küres turaly, aliment öndırıp alu jönındegı qyzmet jaily, sifrlandyru, onyŋ ışınde notariattyq qyzmet boiynşa sättı ıske asyrylǧan «Sifrlyq notariat» jobasyna toqtaldy. Memlekettıŋ mülıktık qūqyqtaryn qorǧau turaly, alaiaqtyq faktıler boiynşa aqparattarmen bölıstı.
«Elımızde sot-saraptamasynyŋ «Sot-seksologiialyq saraptama» degen jaŋa türı engızıletın bolady. Halyqaralyq täjıribenı taldai kele soŋǧy kezderı seksualdyq sipattaǧy qylmystar sanynyŋ artuyna bailanysty Ädılet ministrlıgı zertteudıŋ jaŋa türı «Sot-seksologiialyq saraptamany» engızu boiynşa jūmystardy bastady. Iаǧni qarapaiym tılmen aitqanda saraptama tekserıluşınıŋ jynystyq/psihoseksualdyq damuda qandai da bır auytqulardyŋ bar nemese joqtyǧy, auytqular baiqalsa, olar ne bıldıredı?, Pedofilderdı anyqtau, tekserıluşıge himiialyq kastrasiia qajet pe joq pa degen sūraqtarǧa jauap beredı. Osy jobany ıske asyru maqsatynda Astana qalasynyŋ Sot saraptamalary ǧylymi-praktikalyq ortalyǧynyŋ 3 sot sarapşysy Belarus Respublikasynda oqudan öttı. Qazırgı uaqytta «Sot-seksologiialyq saraptama» türı boiynşa ädısteme äzırlenude», – dedı ol.
Onyŋ aituynşa, 2024 jylǧy 1 qaŋtardan bastap sintetikalyq esırtkılerdı anyqtau boiynşa saraptama jürgızu merzımderın kezeŋ-kezeŋımen 30-dan 5 täulıkke deiın tömendetu közdelgen. Sintetikalyq esırtkılerdı saraptau sūranysy jyldan jylǧa ösımdık tektes esırtkılerdı saraptaudan sanynan artyp keledı. Būl saraptamany ötkızu üşın zamanaui joǧary tehnologiialyq jabdyqtar men ädısterdı qoldanu qajet. Osy maqsatta sot saraptamasy organdaryna biylǧy jyldyŋ 1 qaŋtarynan bastap qazırgı uaqytqa deiın 900-den astam saraptama taǧaiyndaldy, onyŋ 80% – dan astamy 5 täulıkke deiıngı merzımınde oryndaldy. Būl körsetkışterge qol jetkızuge qazırgı zamanǧy esırtkınıŋ barlyq türlerın, sonyŋ ışınde sintetikalyq preparattardy anyqtauǧa mümkındık beretın joǧary tiımdı jabdyqty satyp alu arqyly mümkın boldy.
«2023 jyldyŋ soŋynda Sot saraptamalary ǧylymi-praktikalyq ortalyǧy biologiialyq ortada esırtkı jäne psihotroptyq zattardyŋ baryn anyqtauǧa baǧyttalǧan saraptamalyq zertteuler jürgızu üşın zamanaui joǧary sezımtal apparat satyp alyndy. Qazaqstan Respublikasynda būl psihoaktivtı zattardyŋ, onyŋ ışınde biologiialyq ortadaǧy sintetikalyq jäne dizainerlık preparattardyŋ barlyq spektrın anyqtauǧa mümkındıgı bar jalǧyz zerthana.
2024 jylǧa zerthanalyq jabdyqty satyp alu üşın Respublikalyq biudjet qarajaty esebınen 3 mlrd 996 mln 126 myŋ teŋge bölındı. Jabdyqty jetkızu aǧymdaǧy jyldyŋ soŋyna deiın jüzege asyrylady. Atalǧan jabdyqtardan ekı rentgen-fluoressenttı spektrometr jetkızıldı (Qaraǧandy oblysy jäne Astana qalasy boiynşa sot saraptamalary instituttaryna). Sonymen qatar, Ädılet ministrlıgınıŋ öz qarajaty esebınen esırkı qūraldary men psihotropty zattardy sapaly jäne sandy zertteu maqsatynda 8 gaz hromatografy satyp alyndy. Osy baǧyttaǧy jūmystar jalǧasatyn bolady», – dedı Talǧat Uäli.
Sondai-aq, resmi ökıl Ädılet ministrlıgı ädılet organdary salalaryn sifrlandyru mäselelerıne erekşe nazar audaryp otyrǧanyn jetkızdı. Mūndaǧy bırınşı joba – «Jyljymaityn mülık obektılerı boiynşa mämılelerdı onlain jasau».
«Endı qazaqstandyqtar tūrǧyn üidı halyqqa qyzmet körsetu ortalyǧyna jäne notariusqa barmastan onlain-rejimde satyp alyp, sata alady. Mämılenıŋ nätijesı 8 saǧattan aspai keledı, al tırkeu – nebärı 10 minutty qūraidy. Ädılet ministrlıgı Freedom bankpen bırlesıp jyljymaityn mülıktı onlain qaita tırkeu boiynşa pilottyq jobany ıske qosty. Jyljymaityn mülık obektısınıŋ ornalasqan jerıne qaramastan memlekettık tırkeuge qūjattardy tapsyru mümkındıgı paida boldy», – deidı ol.
Sondai-aq, onyŋ aituynşa, jyljymaityn mülıkke qūqyqtar 2015 jyldan bastap elektrondyq formatta resımdeluı tiıs. Aita ketetın jait, alǧaşqy kezeŋde satyp alynatyn tūrǧyn üidıŋ eŋ joǧary qūny 50 million teŋgenı qūraidy jäne pilottyq joba Astana, Almaty qalalarynda ıske asyryluda. Keiın osy serviske Qazaqstannyŋ basqa da öŋırlerın qosu jäne tūrǧyn üidıŋ qūnyn odan ärı köbeitu boiynşa jūmystardy jürgızu josparlanuda.
Suret: Zakon.kz
