Astanada qoǧamdyq kölıktıŋ 17 baǧdary boiynşa qozǧalys kestesı ūzartyldy, dep habarlaidy astana-akshamy.kz
Astanada jolauşy tasymaldaityn 17 baǧdardyŋ, iaǧni №3, 8, 9, 10, 13, 15, 17, 18, 20, 23, 27, 30, 32, 35, 44, 59, 84 keşkı uaqyttaǧy kestesıne ainalymdar qosyldy. Būl körsetılgen baǧdarlardyŋ jūmys uaqytyn ūzartuǧa mümkındık berdı.
Qazırgı uaqytta Astana qalasy qoǧamdyq kölıgınıŋ jūmysy saǧat 06:00-den 23:30-ǧa deiın jüzege asyrylady.
CTS mälımetınşe, saǧat 23:30 baǧdardyŋ soŋǧy aialdamalarda jūmys uaqyty – tolyq aiaqtalatyn uaqyty.
Mysaly, soŋǧy aialdamalarynyŋ bırınen baǧdar saǧat 21:50-de şyqsa, jäne marşrutty jürıp ötuıne 1,5 saǧat uaqyt ketetın bolsa, onyŋ kelesı soŋǧy aialdamadaǧy jūmysy saǧat 23:30 aiaqtalady.
Baǧdarlardyŋ jüru kestesı men ainalym uaqyttary ärtürlı ekenın eskere otyryp, soŋǧy aialdamalardaǧy baǧdarlardyŋ jūmysy ärtürlı aiaqtalatynyn eskeru maŋyzdy.
Tūrǧyndardan sapardy josparlau kezınde osyny eskerudı sūraidy.
Jaqyn arada tüngı baǧdarlar ıske qosylady. Olardyŋ ıske qosylu künı turaly qosymşa habarlanady.
Qoǧamdyq kölık qyzmetın jaqsartu boiynşa jūmystar jalǧasady.
