QR Qaruly küşterınde Äue şabuylyna qarsy qorǧanys äskerlerınıŋ qūrylǧan künı atap ötıledı, dep habarlaidy astana-akshamy.kz.
Būl äsker tegı Qorǧanys ministrınıŋ 1992 jylǧy 19 mausymdaǧy direktivasy negızınde qūrylǧan bolatyn. Sol tūsta äskerlerdıŋ qūramyna Qazaqstan aumaǧynda ornalasqan 37-şı äue şabuylyna qarsy qorǧanys korpusynyŋ zenittık, zymyran, radiotehnika jäne aviasiia bölımderı, sondai-aq äue ailaqtyq-tehnikalyq bölımşelerı, bailanys jäne radiotehnikalyq qamtamasyz etu batalony kırdı.
Äue şabuylyna qarsy qorǧanys äskerlerınıŋ qalyptasuynyŋ basy-qasynda är jyldary Halyq qaharmany armiia generaly Mūhtar Altynbaev, aviasiia general-maiory Anatolii Vasimov, general-maior Vladimir Bondarenko, general-leitenant Oqas Saparov, general-maior Nūrjan Mūqanov jäne basqa da äskeriler tūrdy. 1998 jyly Äue qorǧanysy äskerlerı Äue qorǧanysy küşterınıŋ qūramyna kırdı.
Qazırgı uaqytta būl äsker tegı Äue şabuylyna qarsy qorǧanys äskerlerınıŋ komandalyq punktı, qūramyna zenittık-zymyrandyq jäne radiotehnikalyq bölımşelerı kıretın äue şabuylyna qarsy qorǧanys brigadalarynan tūrady.
Äue şabuylyna qarsy qorǧanys äskerlerı elımızdıŋ äkımşılık-saiasi, önerkäsıptık-ekonomikalyq ortalyqtaryn äueden qorǧaudan bölek, äue keŋıstıgın paidalanu tärtıbınıŋ saqtaluyn baqylap, äue qarsylasyna qarsy küres jürgızedı. Sonymen qatar Qūrlyq äskerlerınıŋ toptaryn, maŋyzdy äskeri jäne basqa da obektılerdı qarsylastyŋ aviasiialyq jäne ūşqyşsyz ūşu qūraldarynyŋ soqqylarynan qorǧaudy jüzege asyrady.
Beibıt uaqytta Äue şabuylyna qarsy qorǧanys äskerlerı äue keŋıstıgın paidalanu tärtıbınıŋ saqtaluyn üzdıksız baqylaudy jüzege asyra otyryp, täulık boiy jauyngerlık kezekşılık atqarady.
Bügıngı künı Äue şabuylyna qarsy qorǧanys äskerlerı qarsylastyŋ zamanaui äueden şabuyldau qūraldaryn barlyq ūşu biıktıkterı men jyldamdyqtary diapazonynda der kezınde anyqtap, olarǧa soqqy bere alatyn zenittık-zymyrandyq keşendermen jäne barlau qūraldarymen tolyqtai jaraqtanǧan.
Äskerlerdı joǧary tehnologiialyq qaru-jaraqpen jäne tehnikamen jaraqtandyru josparly türde jalǧasuda. Äue şabuylyna qarsy qorǧanys äskerlerıne jaŋǧyrtylǧan S-300 zenittık-zymyran keşenderı, qazırgı zamanǧy GM-403 «Nūr» jäne Qazaqstannyŋ barlyq äue keŋıstıgın baqylauǧa mümkındık beretın «Rosa» radiolokasiialyq stansiialary, sondai-aq ortaşa qaşyqtyqtaǧy «BUK-M2E» jäne qysqa qaşyqtyqtaǧy «TOR-M» jaŋa zenittık-zymyran keşenderı jetkızıldı.
Bügınde Äue şabuylyna qorǧanys äskerlerı üşın joǧary käsıbi ofiserlık kadrlardy daiyndaudy Almaty qalasynda ornalasqan Radioelektronika jäne bailanys äskeri-injenerlık instituty jüzege asyrady. Äskeri joǧary oqu ornynda jattyǧu keşenderı, tehnikasy jäne qaru-jaraǧy bar jeke poligon, sondai-aq barlyq qajettı oqu-materialdyq baza qalyptasqan.
Äue şabuylyna qarsy qorǧanys äskerlerınıŋ mamandary özderınıŋ joǧary şeberlıkterın TMD äue qorǧanysynyŋ bırıkken jüiesındegı «Jauyngerlık dostastyq» jäne «Aşyq aspan» halyqaralyq oqu-jattyǧulary barysynda bırneşe ret däleldedı.
