Biyl elorda mektepterın 11230 tülek bıtırıp şyqty. «Soŋǧy qoŋyrau» saltanaty tek tülekter üşın ǧana ūiymdastyryldy. Tülekterge arnalǧan memlekettık qorytyndy emtihandar 28 mamyr-11 mausym aralyǧynda 5 pän boiynşa ötedı. Orta bılımı turaly attestattar 14 mausymda tapsyrylady. Astana qalasynyŋ äkımı Jeŋıs Qasymbek oquşylardy, ata-analar men ūstazdardy oqu jylynyŋ aiaqtaluymen qūttyqtap, elordada jürıp jatqan mektepter qūrylysy turaly mälımet berdı, dep habarlaidy astana-akshamy.kz.
Qala äkımı jyl saiyn 1-synypqa 20 myŋnan astam oquşy keletının eskersek, jaŋa mektepter sany bırneşe esege artatynyn aitty.
-Qazır bız 100 myŋǧa juyq oquşy ornyna arnalǧan 32 mekteptıŋ qūrylysyn jürgızıp jatyrmyz. Onyŋ ışınde jyl soŋyna deiın mektepterdıŋ rekordty sanynyŋ qūrylysyn aiaqtaudy josparlap otyrmyz. Būl – 64 myŋǧa juyq oquşyǧa arnalǧan 23 mektep (ekı auysymdy). Al «Jaily mektep» ūlttyq jobasy aiasynda – 15 mektep (Esıl – 6, Nūra – 4, Almaty – 3, Saryarqa – 2), taǧy 5 memlekettık mektep (Nūra – 2, Baiqoŋyr – 2, Almaty – 1), 3 jekemenşık (Esıl – 2, Almaty – 1) salynady, dedı äkım.
Jaŋa oqu jylynyŋ basynda 32 myŋǧa juyq oquşy ornyna (ekı auysymda) arnalǧan 12 mekteptıŋ qūrylysyn aiaqtaudy josparlap otyrmyz. Olar – «Jaily mektep» ūlttyq jobasy aiasyndaǧy 8 mektep, atap aitqanda, Esıl audany – bır auysymdy 7800 oquşyǧa arnalǧan 3 mektep – Orynbor köşesı jäne №37 «Soho» TK, Mäŋgılık el daŋǧyly jäne E497 köşesı, Qabanbai batyr jäne Syǧanaq köşelerı, «Pokolenie» TK; Nūra audany – 4000 oquşyǧa arnalǧan bır auysymdy 2 mektep – Töle bi köşesı men 57-uchaske qiylysy («Zelenyi kvartal» TK), E127, E368, E418, E535 köşesı (Qorǧaljyn tasjoly audany); Saryarqa audany – 4000 oquşy ornyna arnalǧan bır auysymdy 2 mektep – S189 köşesı men «Zemlianichnaia» saiajai alaby, Köktal eldı mekenı; Almaty audany – 600 oquşyǧa arnalǧan bır auysymdy 1 mektep (A.Baitūrsynūly köşesı, №9). Baiqoŋyr jäne Nūra audandarynda taǧy 3 memlekettık mektep: Baiqoŋyr audanynda №12 mektep jäne №27 mektep-lisei aumaǧynda qosymşa jaŋa ǧimarat, sol siiaqty Nūra audanynyŋ №17 mektep-gimnaziia aumaǧyndaǧy jaŋa qosymşa ǧimarat. Sondai-aq Esıl audanynda Ūly dala daŋǧylynda («Arnau» TK) taǧy bır jeke mektep aşylady.
Osylaişa, 23 jaŋa mektep arqyly 6 mektepte üş auysymdy oqu mäselesın, taǧy 9 mektepte şamadan tys rejimı mäselesın şeşudı josparlanyp otyr.
