Astanada abattandyru erejelerın būzǧan 5 myŋnan astam adam jauapkerşılıkke tartyldy, dep habarlaidy astana-akshamy.kz
«Taza Qazaqstan. Astana — tazalyq pen tärtıptıŋ ülgısı» ekologiialyq aksiiasy aiasynda Astana qalasy polisiia departamentı qorşaǧan ortany abattandyru, jalpy paidalanu oryndaryn lastau erejelerın būzudyŋ aldyn alu boiynşa ıs-şaralar jürgızude. Sonymen qatar köşe-jol jelısıne, qūrylys nysandaryna zertteu jürgızu boiynşa mobildı toptar qūryldy.
Aksiia bastalǧannan berı qoqysty zaŋsyz şyǧaru, jalpy paidalanu oryndarynyŋ lastanuy jäne abattandyru qaǧidalaryn özge de būzu faktılerı boiynşa 5 myŋnan astam qūqyq būzuşy äkımşılık jauapkerşılıkke tartyldy.
«Kün saiyn rūqsat etılmegen qoqys üiındılerınıŋ paida boluyna beiım oryndarda reidtık ıs-şaralar jürgızıledı, belgılenbegen oryndarda qoqystardy tüsırudı jäne aǧyndy sulardy tögudı jüzege asyratyn tūlǧalardy anyqtau boiynşa maqsatty jūmys jürgızıledı. Aksiia bastalǧannan berı jük kölıgınıŋ 50-den astam jürgızuşısı jauapkerşılıkke tartyldy. Sonymen assenizatorlyq kölık jürgızuşısı aǧyndy kärız jüiesıne qoqysty rūqsatsyz aǧyzuǧa rūqsat bergen. Oǧan qatysty äkımşılık jazalau şaralary qabyldandy», — delıngen habarlamada.
Suret: kaz.inform.kz
