5-şı Düniejüzılık Köşpendıler oiyndaryna 2500 astam sportşy keledı dep kütılude

5-şı Düniejüzılık Köşpendıler oiyndaryna 2500 astam sportşy keledı dep kütılude, dep habarlaidy astana-akshamy.kz

5-şı Düniejüzılık köşpendıler oiyndary 8-13 qyrküiek aralyǧynda Astanada ötedı. Baǧdarlamaǧa 21 sport türı endı. Onyŋ ışınde jartysy qazaqtyŋ ūlttyq sport türlerı, qalǧany köptegen türkı elderınıŋ ūlttyq sport türlerı. Būl turaly OKQ alaŋynda QR turizm jäne sport vise-ministrı Serık Jarasbaev habarlady.

«Oiyndarǧa 89 elden delegasiialar qatysatynyn rastady. 2500 astam sportşy keledı dep kütılude», – dedı spiker baspasöz konferensiiasy barysynda.

Sporttyq infraqūrylymǧa toqtala kele, vise-ministr «bır syzyq» konsepsiiasy qoldanylatynyn atap öttı.

«Qabanbai batyr men Tūran daŋǧyldarynda tūrǧan sport nysandary paidalanylady. Negızgı 7 sport nysany. «Astana Arenada» jarystyŋ saltanatty aşylu räsımı ötedı, J.Üşkempırov atyndaǧy jekpe-jek saraiynda küres türlerınen jarys ötedı, jeŋıl atletika manejı – akkreditasiialauǧa arnalǧan. Sondai-aq, Ūlttyq at sporty türlerın ötkızu üşın «Qazanat» ippodromy rekonstruksiiadan ötkızılıp jatyr. «Duman» qonaq üiınde toǧyzqūmalaq, mangala jäne t.b. sport türlerınen jarystar ötedı», – dedı S.Jarasbaev.

Sonymen qatar, şara aiasynda halyqaralyq ǧylymi-täjıribelık konferensiia ūiymdastyrylady.