«Astana – jaŋa qala» AEA jäne «Astana – Tehnopolis» AEA qatysuşylary 6 myŋǧa juyq jūmys ornyn aşty, dep habarlaidy astana-akshamy.kz
Elordada ekı arnaiy ekonomikalyq aimaq – «Astana – jaŋa qala» jäne «Astana – Tehnopolis» jūmys ısteidı.
Olar investisiialar tartu jäne basym salalarda bäsekege qabılettı öndırıster qūru arqyly qalanyŋ ekonomikalyq damuyn yntalandyru maqsatynda qūrylǧan. AEA rezidentterge biznestı jürgızu jäne perspektivaly jobalardy ıske asyru üşın qolaily jaǧdailar jasai otyryp, bıregei jeŋıldıkter men preferensiialar beredı.
«Arnaiy ekonomikalyq aimaqtyŋ qatysuşysy retınde qyzmettı jüzege asyru üşın investorǧa qoiylatyn negızgı talaptardyŋ bırı zaŋdy tūlǧany Qazaqstan Respublikasynda tırkeu jäne qyzmettıŋ basym türlerınıŋ bırın jüzege asyru bolyp sanalady. Qazırgı uaqytta «Astana Tehnopolis» jäne «Astana – jaŋa qala» arnaiy ekonomikalyq aimaqtarynyŋ qatysuşylary 346 kompaniia bolyp sanalady, olardyŋ 110-y №1 İndustriialyq parkte ornalasqan. Eksport kölemı olardyŋ qyzmetı bastalǧannan berı 140 mlrd teŋgenı, salyq audarymdarynyŋ kölemı – 341 mlrd teŋgenı qūrady», – dedı «Astana Invest» JŞS investisiialyq jobalar departamentı direktorynyŋ orynbasary Ruslan Chilimanov.
Būl baǧdarlamalar käsıpkerlerge tabysqa jetu jolynda kezdesetın qarjylyq jäne ūiymdastyruşylyq kedergılerdı jeŋuge kömektesetın negızgı qūraldar bolyp sanalady.
«Bız – «Astana – jaŋa qala» arnaiy ekonomikalyq aimaǧynyŋ qatysuşylarymyz. Nauryz aiynda gazdalǧan beton bloktaryn şyǧaratyn zauytty ıske qostyq. Qazır 90% quatqa şyqty, mausym aiynda 100% quatqa şyǧudy josparlap otyrmyz. Zauyt 95% avtomattandyrylǧan. Būl bızge barlyq tehnikalyq şarttarǧa säikes keletın sapaly önım şyǧaruǧa mümkındık beredı. Bızdıŋ bolaşaq josparlarymyz – qalany tūtynylatyn önımmen qamtamasyz etu jäne basqa elderge eksportqa şyǧu», – dedı «DAT KZ» JŞS öndırıs bastyǧy Iýrii Velikanov.
Memlekettık qoldau şaralarynyŋ arqasynda elordanyŋ arnaiy ekonomikalyq aimaqtarynyŋ qatysuşylary tūrǧyndar üşın 6 myŋǧa juyq jaŋa jūmys ornyn aşty.
