Astanada 63 azamat qaitarymsyz grantqa ie boldy, dep habarlaidy astana-akshamy.kz
Elordada 400 AEK-ke deiıngı qaitarymsyz grant boiynşa komissiia otyrysy jūmysyn aiaqtady.
Alǧaşqy lekte Astana qalasynyŋ Eŋbek mobildıgı ortalyǧyna 721 adam ötınım berıp, biznes-ideialaryn ūsynǧan.
Osy jyldyŋ 3-7 mausym aralyǧynda ümıtkerler komissiia aldynda jobalaryn qorǧap, nätijesınde 63 adamǧa qaitarymsyz grant maqūldandy. Äleumettık osal top azamattarynyŋ biznes-jobasyn jüzege asyru maqsatynda berıletın qaitarymsyz qarajat aluǧa ötınımder elektrondy formatta qabyldandy. Būl qoldauǧa eŋbekke qabılettı mügedektıgı bar adamdar, qandastar, atauly äleumettık kömek aluşy otbasylar, mügedektıgı bar balany tärbielep otyrǧandar otbasylar, asyrauşysynan aiyrylu boiynşa järdemaqy alatyn otbasylar tarapynan ötınımder tüstı.
Qatysuşylardyŋ jūmyssyzdyqqa tırkelgen nemese tırkeu merzımı 3 jylǧa deiıngı jeke käsıpker boluy kerek bolatyn.
Sonymen qatar ümıtkerdıŋ «Bastau Biznes» jobasy boiynşa käsıpkerlık negızderıne oqyǧany turaly merzımı üş jyldan aspaityn sertifikaty boluy şart edı.
Komissiia otyrysynyŋ aşyqtyǧyn qamtamasyz etu üşın, äleumettık jelılerdegı resmi paraqşalar arqyly tıkelei efir ūiymdastyrylyp, qala tūrǧyndary jūmys barysyna qoǧamdyq baqylau jasady. Komissiia ökılderı biznes-jobalardyŋ ömırşeŋdıgıne, bäsekege qabılettılıgıne jäne ümıtkerdıŋ käsıbilıgıne nazar audardy.
Komissiia şeşımımen oŋ qorytyndy alǧan biznes-jobalar:
– tamaq önerkäsıbı – 16;
– tıgın ısı – 12;
– bılım beru qyzmetterın körsetu – 7;
– tūrmystyq servistık qyzmetter körsetu – 5;
– qoǧamdyq tamaqtanu salasynda qyzmet körsetu – 4;
– öner, sport, oiyn-sauyq, demalys, kütım jäne sūlulyq salasyndaǧy qyzmetter – 4;
– medisinalyq jäne äleumettık qyzmetter – 3;
– öndırıs jäne önerkäsıp – 3;
– servistık qyzmet körsetu – 2;
– köterme jäne bölşek sauda – 2;
– avtomotokölık qūraldaryna servistık qyzmet körsetu – 1;
– äkımşılık, basqaruşylyq jäne aqparattyq qyzmet, deldaldyq qyzmetter – 3;
– qyzmettıŋ basqa türlerın ūsynu – 1.
Qazırgı taŋda grant iegerlerımen kelısımşart jūmystary jürgızılude.
Aita ketu kerek, būl qoldau tūtynuşylyq maqsatqa, kredittı öteuge, jyljymaityn tūrǧyn üi satyp aluǧa jäne saluǧa, jer telımderın satyp aluǧa berılmeidı.
