Astana qarqyndy türde abattandyryluda, būl äsırese osy jazda qatty baiqaldy, dep habarlaidy astana-akshamy.kz
Joldar jappai jöndeuge jabylyp, saiabaqtarǧa tas töselıp, aǧaştar otyrǧyzyluda.
Mūnyŋ bärı keibır qala tūrǧynyna yŋǧaisyzdyq tudyrady. Olardyŋ keibırı jūmystardyŋ tolyq qaşan aiaqtalatynyn tüsınbei dal.
Tengrinews.kz tılşısı būl jūmystar qanşa uaqytqa sozylatynyn jäne astanalyqtardyŋ şydamdylyǧynyŋ nätijesı qalai bolatynyn sarapşylardan sūrady. Belgılı bolǧandai, būl küş-jıgerdıŋ nätijelerı öte maŋyzdy bolmaq.
«Elordada abattandyru jäne kögaldandyru jūmystary qarqyndy jürıp jatyr. Biylǧa 170 qoǧamdyq jäne aula keŋıstıgın abattandyru jäne millionnan astam jasyl keŋıstıktı otyrǧyzu josparlanǧan. Bügınde būl jūmystardyŋ barlyǧyn qala tūrǧyndary baqylap otyr. Mūnyŋ bärı qala tūrǧyndary üşın jaily qala ortasyn qūru üşın jasalady. Abattandyru tūrǧyndardyŋ äl-auqatyna, psihologiiaǧa, qala ekonomikasyna multiplikativtı äser etedı», – dedı «Astana bas jospary» direktorynyŋ orynbasary Elnar Bazyken.
Biyl Memleket basşysynyŋ tıkelei tapsyrmasy boiynşa Astananyŋ syrtqy kelbetıne erekşe nazar audaryluda. Prezident qalanyŋ jasyl, abattandyrylǧan boluy kerek ekenın bırneşe ret aitqan bolatyn.
«Mysaly, biyl Ūlytau alleiasy abattandyryldy. Onda 400-den astam ırı jöke otyrǧyzyldy, būǧan qazırdıŋ özınde qala tūrǧyndary quanyp jatyr. Onda köptegen adam bos uaqyttaryn ötkıze bastady», – dep atap öttı Bazyken.
Elnar Bazyken aitqandai, Mäŋgılık el daŋǧyly būryn köbınese kölıkterge arnalǧan bolatyn. Endı jaiau jürgınşıler üşın daŋǧyldyŋ keŋıstıkterı (qaitalama joldar) jasaldy. Būryn negızınen avtotūraqtar, asfalt bolatyn. Qazır jöke aǧaştary da sol jerge otyrǧyzyldy. Jūmys älı jalǧasuda, degenmen şılde aiynyŋ soŋyna deiın bärı aiaqtalady dep uäde berdı Bazyken. Onda köşe körnısınıŋ bıryŋǧai stilı – şamdar, oryndyqtar, urnalar – barlyǧy bırdei stilde jasalǧan.
«Sondai-aq Mäŋgılık el boiynşa közge jailylyq jasau jäne qalaǧa jyly estetika qosu üşın jyly jaryqtandyrylǧan şamdar ornatyluda. Jalpy, būl jūmystardyŋ barlyǧy jalǧasyp jatyr. Būl jüielı türde jürgızıledı. Eger sız baiqasaŋyz, qazır barlyq jerde köterılgen jaiau jürgınşıler ötkelderı, pandustar, velojoldar jasaluda, tūrǧyndar oŋ özgerısterdı köre alady», – dep atap öttı sarapşy.
Urbanistıŋ aituynşa, äkımdık qalanyŋ är audanynda gülzarlar, qoǧamdyq keŋıstıkter, saiabaqtar boluy üşın polisentrlık qaǧidaty boiynşa keşendı jūmys jürgızude. Jūmys tek Astananyŋ sol jaǧalauynda ǧana jürgızılmeidı.
«Biyl Bırjan sal jäne Gete köşelerınıŋ maŋyndaǧy eskı vokzal alaŋy abattandyryluda. Būl elordanyŋ tarihi «kıreberıs qaqpasy», qazır äkımdık köşelerdı abattandyruda, aǧaştar otyrǧyzyp, barlyǧy bırdei stildegı oryndyqtar, urnalar qoiuda. Qazırdıŋ özınde köptegen astanalyqtar qalanyŋ eskı bölıgıne nazar audarylǧanyn aityp jatyr», – dedı Bazyken.
Almaty audanynda biyl Aqbūlaq jaǧalauy abattandyryldy. Būl jūmys ötken jyly bastalǧan. Biyl Abylai han daŋǧylynan Täuelsızdıkke deiın körıktı jasyl jaǧalau salynuda.
«Jalpy, qalanyŋ maqsaty – Esıl özenınıŋ boiyndaǧy barlyq saiabaqtardy bıryŋǧai velosiped jäne jaiau jüru marşruttarymen bırıktıru. Osy maqsattar üşın köpırler astynda jaiau jürgınşıler bailanysy jasalady. Iаǧni, tūrǧyndarǧa baǧdarşam arqyly köpırlerdı ainalyp ötudıŋ qajetı joq. Olar köpırlerdıŋ astynan öte alady. Būl öte yŋǧaily. Ötken jyly jūmys bastaldy, biyl da jalǧasuda. Mysaly, Täuelsızdıkte öte ülken köpır, keŋ daŋǧyl bar. Köpırdıŋ astynda jaiau jürgınşıler bailanysy bolady. Sondyqtan bız barlyq saiabaqtardy sondai jaily oryndarǧa ainaldyramyz», – dep uäde berdı urbanist.
Sondai-aq biyl Prezidenttık saiabaq boiyndaǧy jaǧalaudy abattandyru jūmystary bastaldy. Jaŋa jabyn, kögaldandyru, velojol, jügıru joldary bolady, dep atap öttı Bazyken. Osy jyly Qabanbai batyr daŋǧylynda da jūmystar jürgızılude.
«Astana Arena», «Saryarqa» velotregı, «Alau» mūz aidyny saraiy sport keşenderınıŋ aldynda ırgeles aumaqty abattandyru jūmystary jürgızılude. Ol jerlerge ırı aǧaştar otyrǧyzylyp, jabyndary özgertäldı, sonymen qatar būryn aşyq jer bolǧan daŋǧyl boiymen jaiau jürgınşıler joldary men velojoldar jasaldy», – dedı Bazyken.
Suret: Turar Kazangapov
