15 jyl ışınde adam ölımımen aiaqtalǧan jol-kölık apattar sany ekı ese azaidy, dep habarlaidy astana-akshamy.kz
Zaman talabyna sai magistraldardyŋ qūrylysy eldegı jol qauıpsızdıgıne oŋ äserın tigızıp otyr. Būl turaly Ortalyq kommunikasiialar qyzmetınde ötken baspasöz konferensiiasynda IIM Äkımşılık polisiia komitetınıŋ töraǧasy Qaisar Sūltanbaev mälımdedı.
«15 jyl būryn joldarda 4 myŋnan astam azamat köz jūmsa, qazır būl körsetkış 2 esege azaiyp otyr. Magistraldyq joldardyŋ jekelegen uchaskelerınde adam şyǧyny 6 eseden astam qysqardy. Mysaly, «Astana-Şuchinsk» tas jolyn qaita jaŋartyp, jolaqtar sanyn 6-ǧa deiın ūlǧaityp, sondai-aq bölu jolaǧyn jailastyrudan keiın jol-kölık apattary kezınde ölım-jıtım sany jylyna 75-ten 12-ge deiın tömendedı», – dedı Qaisar Sūltanbaev.
Apattylyqtyŋ tömendeuı «Astana – Pavlodar – Semei», «Astana – Qaraǧandy» baǧyttary boiynşa jaŋa avtomagistraldarda da baiqalady.
IIM ökılınıŋ aituynşa, eldegı joldardyŋ negızgı bölıgı eskırgen standarttar boiynşa salynǧan. Būl – enı 7 metrden aspaityn ekı jolaqty joldar. Tört nemese odan da köp jolaqtary bar bırınşı sanattaǧy joldar tek 2%-dy qūraidy.
Spiker atap ötkendei, osyǧan bailanysty 6 myŋ şaqyrymnan astam jolda jolaqtar sanyn keŋeitu jäne bölu jolaǧyn saludy qaita jaŋartudy qamtamasyz etu qajet.
