Jyl saiyn 28 mausymdy Jurnalister künı dep atap ötemız. Şyn mänınde qolyna qalam ūstaǧan taǧdyr ielerınıŋ osy bır atauly künın atausyz ötkızbeudıŋ de özınıŋ män-maŋyzy bar. Öitkenı qaru ūstaǧan qoldan, qalam ūstaǧan sausaqtardyŋ artyq bolatyndyǧy jasyryn emes. Deitūrǧanmen de jurnalist degen osy ataudyŋ art jaǧynda qanşama eŋbekpen, közge körınbeitın ter jatqanyn sol mamandyq ielerı ǧana bıledı. Al el aldynda jarqyrap jürgen būl qauymnyŋ da taram-taram taǧdyr iesı ekendıgın bylaiǧy jūrttyŋ bırı bılse, bırı bılmeidı. Bız atauly künge orai ardager jurnalist, qart qalamgerımız Qazaqstan Jurnalister odaǧynyŋ müşesı, Qazaq radiosynyŋ üzdık qyzmetkerı, Qazyna Nūrqanovamen äŋgımede bolyp, jetpısten assa da, apamyzdyŋ älı de aitary köp ekenıne közımız jettı.
Ä degennen sözınıŋ älqissasyn özınıŋ qyzyqty balalyq şaǧynan bastaǧan Qazyna Säduaqasqyzy aqparat salasyna orys tıldı jurnalist bolyp kelgenın, qazaq tılın tūrmysqa şyqqannan keiın ǧana üirengenın aityp bır taŋǧaldyrdy.
– Men äulette jalǧyz qyz boldym. Sondyqtan da äkem de, anam da qatty erkeletıp ösırdı. Onyŋ üstıne tılım endı şyǧa bastaǧanda orys mektebıne oquǧa tüstım. Ärı qūrby-qūrdastarymnyŋ köbı sol tılde söilegendıkten, adamdarmen qarym-qatynasyma orys tıldı boluym kerı äserın tigızbedı. Orys tıldı ortada öskendıkten be, öz ıs-äreketterımnıŋ keibır oǧaştyǧyn ūiatty dep sezınbeitınmın. Sol sebeptı de keiın menı köp adam syrttai qate tüsınıp, basqaşa adam retınde joramaldap jürdı. Alaida taǧdyrdyŋ jazuymen qolyma qalam alyp jurnalistika salasyna kelemın, küieuım qazaqy sözdıŋ qaimaǧyn qalqyǧan aqyn bolady dep müldem oilamaǧan ekenmın. Söitıp jürıp, täleiıme qūdai Jarasbaidy berıp, taǧdyrymyz jarasyp ketkennen keiın baryp ǧana men qazaq tılıne nazar audaryp üirene bastadym. Onyŋ üstıne alǧaşqy eŋbek jolym da «Tyŋ ölkesı» gazetınnen bastalǧan bolatyn, – dep sözın jalǧastyrǧan Qazyna Säduaqasqyzy bolaşaq jarymen aradaǧy bailanysynyŋ qaidan bastalǧanyn da esıne tüsırdı.
Jarasbaimen 50 jyl bır şaŋyraq astynda tatu-tättı tūryp, otbasylyq ömırdıŋ qyzyǧyn da, şyjyǧyn da bastan ötkerdık. Şaŋyraǧymyz şattyqqa tolyp, ömırge Jomart, Jänıbek esımdı ekı ūlymyz keldı. Men sol ūldardan taraǧan nemerelerdı körıp otyrǧan äjemın. Menı aialap ardaqtap, erkeletıp jar qylǧan Jarasbai Nūrqanov bolsa, 2011 jyly 31 mamyr künı özınıŋ mäŋgılık mekenıne attanyp kete berdı. Ömırdıŋ qysqalyǧyn da men sol kezde baryp bır-aq bıldım, – dep köz jasyna erık bergen Q.Nūrqanova «jastar jastyq şaǧynyŋ özıne berılgen mümkındık pen bailyq ekenın bılse eken deimın» degen tılegın aityp, auyr kürsındı.
İä, bügıngı jurnalistika men keşegı jurnalistikanyŋ arasynda jer men köktei paryq bar. Osy oraida ardager jurnalisımız qazırgı jurnalister qandai bolu kerek degen sūraǧymyzdy da ainalyp ötpedı.
– Tek qana eŋbek adamdy jeteleidı. Qazırgı jurnalisterdı men baiqaimyn, bärı de tehnika tılın jaqsy meŋgergen. Bıraq aqparat aǧynyna ılesıp, öz aldyna oi qorytu az körınedı. Ärine, myqty jurnalist balalarym bar. Deitūrǧanmen de kıtap oqu, ızdenu tūstary kemşın tartyp tūrady. Endı bır jaǧynan jurnalist batyl bolu kerek. Öz oiyn erkın jetkızıp aita bıluı maŋyzdy. Sebebı jurnalisı jaltaqtaǧan eldıŋ ruhaniiaty jarymjan bolady. Ärı adam qartaisa da, qalam qartaimaidy. Sondyqtan bızdıŋ qos qaruymyz qalam men tıl bolǧandyqtan, jurnalister ūdaiy ızdenıs üstınde, qalamyn ūştap, tılın ūstartyp jürgenı özıne paidaly, – dep jastarǧa aqyl-keŋesın aitqan Qazyna apamyz özınıŋ qazynaly keudesınen şyqqan ystyq estelıkterı men ömırdegı küiınış, süiınışın de äŋgımelep, söz arasynda eldıŋ äielı altyn-kümıs jinaǧyş bolsa, men kıtap jinaǧyş äiel boldym dep äzıldep te aldy. Mıne, osyndai ömırı önegege toly qalamyn serık etken qart jurnalisterdıŋ auzynan şyqqan ärbır söz jas tılşılerge baǧdarşam bolary haq.
Şapaǧat Äbdır
