«Ädemı» ardagerler ansamblınıŋ elordanyŋ Almaty audany Belsendı ūzaq ömır süru ortalyǧynyŋ janynan qūrylǧanyna ekı jylǧa juyqtady. Zeinetkerlerden qūralǧan, ärtürlı muzykalyq aspaptarda oinap, än salatyn, janynan öleŋ şyǧaratyn öner ūjymy müşelerınıŋ jalpy sany – qazır 34. Sonyŋ eŋ ülkenınıŋ jasy – 78-de. Ansambldıŋ körkemdık jetekşısı – Jaldybai Baiǧaraūly.
«Ansambl müşelerı – jürekterı än dep soǧyp tūrǧan adamdar. Bıraq būryn sahnada än salyp körmegen. Onyŋ üstıne bızdıŋ kezımızde «ärtıs bolamyn» deseŋ, ata-analarymyz şoşyp, önerge jıbermei qoiǧan jaǧdailar köp kezdestı. Sodan talanty bolyp tūrsa da, ıştegı önerdı tūnşyqtyrǧan zamandastarymyz da bar. Solar ansamblge kelıp, jastyq şaqtaryndaǧy armandaryn oryndap jatyr. Jetekşımız Jaldybai Baiǧaraūly – öte talantty jıgıt, sauatty muzykant, segız qyrly, bır syrly azamat. Özı ärtürlı aspaptarda oinaidy. Qazır sol kısı bızge ūstaz bolyp otyr. Bız siiaqty ülken kısılerdıŋ tılın tabu oŋai emes qoi, Jaldybai Baiǧaraūly mol täjıribesınıŋ, şydamdylyǧynyŋ arqasynda bärımızdı bır ıske jūmyldyryp otyr. Bızge erlı-zaiyptylar da keledı. Qazır tört jūbymyz bar» deidı ansambldıŋ jetekşısı Raigül Ospanqūlova.
Onyŋ aituynşa, ansambl qūramy türlı mamandyq ielerınen, är salanyŋ būrynǧy qyzmetkerlerınen qūralǧan. Arasynda zaŋger de, mūǧalım de, därıger de, ekonomist te, bank qyzmetkerı de kezdesedı. Önerge eş qatysy joq salalarda qyzmet etken adamdardan ansambl änşılerınen bölek, dombyraşylar, qobyzşylar, sazsyrnaişylar, dabylşylar toby qūryldy.
«Būryn «Arqa äuenderı» ansamblı qūramynda boldym. Onda tört jyldai än saldym. Ötken jyldyŋ qaraşa aiynda jūbaiymmen bırge «Ädemıge» auystyq. Öner ūjymynda qalyptasqan auyzbırşılık, tatulyq, jylulyq özıne baurap alady. Keide bır jarym saǧattan üş saǧatqa deiın konsertke daiyndalamyz. Sonyŋ özınde eş şarşamai, kerısınşe demalyp şyǧamyz. Ortanyŋ aurasy bölek» deidı orkestr müşesı İbragim Beisenbaiūly.
«Ädemı» ansamblıne qabyldanǧannan keiın ömırge qūştarlyǧy artqan, öner qūdıretı ıştegı qaiǧyny seiıltken adamdar da bar. Ansambl müşelerı tek önerdı ǧana nasihattamai, ūlttyq qūndylyqtardy därıpteidı. Sonyŋ ışınde ūlttyq kiımge erekşe köŋıl böledı. Kiımge, äşekei būiymdarǧa öz esebınen Türkiiaǧa deiın tapsyrys beredı.
Ansambl orta mekteptermen, «Baqytty otbasy» sekıldı äleumettık ortalyqtarmen tyǧyz bailanys ornatqan. Osy mekemelerde konsertterdı berıp tūrady. Mäselen, jaqynda Saryarqa audanynyŋ Belsendı ūzaq ömır süru ortalyǧy qyzmetın paidalanuşylardyŋ köŋılın köterdı.
Ädebi-sazdy keş formatynda ötken keş barysynda öleŋder oqylyp, änder men küiler äueledı. Konsertte halyq änderı men halyq küilerımen qatar Latif Hamidi, Nūrǧisa Tılendiev, Äbılahat Espaev syndy qazaqtyŋ klassik jäne Kentau Nazarbek, Halyqbergen Äbıljanov, Qūral Moljanov, İslamhan Baigesınov sekıldı qazırgı kompozitorlarynyŋ änderı, Ülebai Änetūlynyŋ «Dudar-aiy» men Qorabai Esenovtyŋ «Jas qalamy», Qūrmanǧazynyŋ küilerı oryndaldy. Muzykalyq şyǧarmalardy Külän Süleimenqyzy, Aijamal Dosymqyzy, Jūmabike Kätımhanqyzy, İbragim Beisenbaiūly, Serık Qūlmaǧanbetov, Baqytkül Aqanqyzy, Amanai Töleuūly, Jaldybai Baiǧaraūly, Gülbarşyn Seiıtqyzy, Meŋdeş Toǧanqyzy, Marsiia Raqymberdıqyzy naqyşyna keltırıp oryndady.
