Germaniiada bastalǧan Europa chempionatynda bırınşı turdyŋ oiyndary ötıp jatyr.
Europanyŋ 24 ūlttyq qūramasy synǧa tüsıp jatqan bairaqty bäsekede aldyn ala üzdık dep tanylǧan komandalar jeŋıske jettı. Mäselen, chempionattyŋ şymyldyq aşar oiynynda Germaniia qūramasy Şotlandiia komandasyn 5:1 esebımen jeŋse, Şveisariia Vengriia qūramasyn 3:1 esebımen tıze büktırdı. Eŋ tartysty oiynnyŋ bırı İspaniia men Horvatiia arasynda bolady degen boljam aqtalmady. İspandyqtar qarsylasynyŋ qaqpasyna jauapsyz 3 dop soǧyp, horvattardy jerge qaratty. Osyndai kütpegen jaǧdai Rumyniia-Ukraina kezdesuınde oryn aldy. Būl oiynda rumyndar 3 gol soǧyp, ukraindyqtardyŋ saǧyn syndyrdy. Kütpegen jerden Slovakiia qūramasy Belgiiany 1:0 esebımen ūtyp kettı. Sondai-aq bırınşı turda Portugaliia Chehiiany, Türkiia Gruziiany, Fransiia Avstriiany, Gollandiia Polşany, İtaliia Albaniiany ūtty.
Keşe ekınşı turdyŋ oiyndary bastaldy. Endıgı oiyndar tıpten qyzyq bolatyny sözsız. Öitkenı ūpaisyz qalǧan komandalar baryn salatyny anyq.
Bäsekege tüsken 24 komanda 6 topqa bölıngen, är toptan bırınşı jäne ekınşı oryn alǧan 12 komanda şirek finalǧa şyǧady. Olarǧa üzdık ūpaimen üşınşı oryn alǧan tört komanda qosylady. Demek, Germaniia alaŋdaryndaǧy ärbır oiyn tartysty bolmaq.
