E.Rahmadiev atyndaǧy Memlekettık akademiialyq filarmoniiasynyŋ kameralyq zalynda kompozitor, QR eŋbek sıŋırgen qairatkerı, QR Memlekettık syilyǧynyŋ laureaty Tölegen Mūhamedjanov Qazaqstan Kompozitorlar odaǧynyŋ 85 jyldyǧyna arnalǧan «Menıŋ jan serpınım!» avtorlyq keşı öttı.
Tölegen Mūhamedjanov – belgılı kompozitor, Qazaqstannyŋ eŋbek sıŋırgen qairatkerı, QR Memlekettık syilyǧynyŋ laureaty. Simfoniialar, operalar, muzykalyq komediialar, ışektı kvartetter, simfoniialyq şyǧarmalar, Abai öleŋderıne arnalǧan vokaldyq toptamalar, romanstar, änder, kino men teatrǧa arnalǧan muzykalardyŋ avtory. Ol Almaty jäne Mäskeu konservatoriialarynda, alma-materde oqytuşylyq qyzmetın atqardy, onyŋ basşylyǧymen Qazaqstannyŋ ırı mädeni mekemelerı jūmys ıstedı, onyŋ basşylyǧymen elımızdıŋ köptegen şyǧarmaşylyq ūjymdary paida boldy. Tölegen Mūhamedjanūlynyŋ respublikanyŋ mädenietı men önerın damytuǧa qosqan ülesı orasan zor.
Filarmoniianyŋ kameralyq zalynda ötken kompozitordyŋ konserttık baǧdarlamasynda filarmoniia oryndauşylary, virtuoz-aspapşylar men kameralyq ansamblder kameralyq-aspaptyq jäne vokaldyq şyǧarmalardy oryndady.
Ǧ.Jūbanovany eske aluǧa arnalǧan № 1 ışektı kvartettı kompozitor eldegı bıregei kameralyq ūjym – Ǧ.Jūbanova atyndaǧy Memlekettık ışektı kvartet üşın arnaiy jazǧan jäne körnektı kompozitor Ǧaziza Jūbanovany eske aluǧa arnalǧan. Kvartettıŋ körkemdık jetekşısı – QR eŋbek sıŋırgen qairatkerı Ernar Myŋtaev.
Fortepianoǧa arnalǧan «Mimoletnosti» fortepiano triosyn FORTE TRIO QR Memlekettık triosy oryndady. Körkemdık jetekşısı – QR eŋbek sıŋırgen qairatkerı Timur Urmancheev.
Jeke fleitaǧa arnalǧan sonatinany Qazaqstannyŋ eŋbek sıŋırgen qairatkerı Bekbolat Baisaǧatov tamaşa oryndap, körermenderdı süisınttı.
«7 stihotvorenii Li-Bo» vokaldyq toptamasymen halyq aldyna şyqqan Qazaqstan men Tatarstannyŋ Halyq ärtısı, Memlekettık syilyqtyŋ laureaty, «Qūrmet» ordenınıŋ iegerı, sirek soprano iesı Nūrjamal Üsenbaeva ǧajaiyp äser qaldyrdy. Elordalyq körermender Abai öleŋderıne arnalǧan vokaldyq toptamany «Daryn» Memlekettık jastar syilyǧynyŋ iegerı Altynbek Äbıldanyŋ oryndauynda tamaşalasa, «Mimoletnosti» kompozisiiasyn halyqaralyq baiqaulardyŋ laureaty Zarina Akaeva fortepianoda oryndady.
Vokaldyq toptamalar konsertmeisterı retınde Mädeniet salasynyŋ üzdıgı, klassikalyq vokal bölımınıŋ körkemdık jetekşısı Roza Şotqalieva öner körsettı.
