Astana qalasy Qoǧamdyq keŋesınıŋ otyrysynda azamattardyŋ jekelegen sanattaryna äleumettık kömek körsetu men onyŋ mölşerın belgıleu, mädeni oşaqtar körsetetın qyzmetterdıŋ baǧasyn bekıtu, elordaǧa turisterdı tartu, äleumettık saladaǧy basqa da maŋyzdy mäseleler qaraldy.
4 aqpan – Obyr auruyna qarsy düniejüzılık küres künıne orai Astanada osy dertke şaldyqqandarǧa bır rettık äleumettık kömek būrynnan berıledı. Būl sanatqa endı jaman auruǧa ūşyraǧan balalar da engızıldı. Būl turaly qalalyq Jūmyspen qamtu jäne äleumettık qorǧau basqarmasynyŋ basşysy İlia Skub baiandady.
Onyŋ aituynşa, qalalyq mäslihattyŋ tiıstı şeşımıne özgerıster men tolyqtyrular engızılıp, būryn äleumettık kömekpen qamtylmaǧandar eskerıldı. Būdan bylai asyrauşysynan aiyrylǧandarǧa qatty otyn bölu, gazǧa qosu, qala äkımınıŋ grantyn beru, kommunaldyq qyzmetter boiynşa äleumettık kömek körsetıledı. Elordada mūndai otbasy sany – 8553. Olarǧa säikes kömektı beru üşın qala biudjetınde 6,6 mlrd teŋge qarastyrylǧan.
Basqarma basşysy keŋes äskerlerınıŋ şekteulı kontingentın Auǧanstannan şyǧaryluynyŋ 35 jyldyǧyna orai qosymşa äleumettık kömek belgılengenın jetkızdı.
– Eŋbek jäne halyqty äleumettık qorǧau ministrlıgınen osy dataǧa orai barlyq öŋır bırdei mölşerde äleumettık kömek bersın degen ūsynys hat kelıp tüstı. Bızde jyl saiyn Auǧanstan ardagerlerıne berıletın bır rettık äleumettık kömek 45 AEK-tı qūraidy. Ūsynys hatta ony 50 AEK-ke jetkızu ūsynyldy, – dedı İlia Skub.
Astana qalasy Bılım basqarmasy basşysynyŋ orynbasary Marjangül Qaiyrbaeva elordada erekşe qajettılıgı bar balalardy arnauly psihologiialyq-pedagogikalyq qoldau boiynşa osy jylǧa arnalǧan memlekettık bılım beru tapsyrysy turaly baiandady. Onyŋ aituynşa, jyl saiyn osyndai qoldaudy qajet etetın balalar sany artyp keledı. Ötken jyly 16597 bolsa, biylǧy jyl basynyŋ özınde 19 myŋnan asa bala tırkelgen.
Qalalyq mäslihattyŋ tiıstı şeşımıne özgerıster men tolyqtyrular engızılıp, būryn äleumettık kömekpen qamtylmaǧandar eskerıldı. Būdan bylai asyrauşysynan aiyrylǧandarǧa qatty otyn bölu, gazǧa qosu, qala äkımınıŋ grantyn beru, kommunaldyq qyzmetter boiynşa äleumettık kömek körsetıledı. Elordada mūndai otbasy sany – 8553. Olarǧa säikes kömektı beru üşın qala biudjetınde 6,6 mlrd teŋge qarastyrylǧan
– Elordada qazırgı uaqytta 4 psihologiialyq-pedagogikalyq tüzetu kabinetı, 2 oŋaltu ortalyǧy, 2 autizm ortalyǧy bar. Atalǧan ūiymdar orta eseppen alǧanda jylyna 1 myŋ balany qamtidy. Qazırgı uaqytta qyzmet alu üşın kezekte 1 myŋnan astam bala tırkeldı. Bäsekege qabılettı orta qūru üşın tüzetu kömegımen mūqtaj balalardy tügel qamtu maqsatynda jekemenşık ortalyqtarda arnaiy psihologiialyq-pedagogikalyq qoldau körsetuge memlekettık bılım beru tapsyrysyn ornalastyru josparlanǧan. Onymen 1 myŋnan astam bala qamtylmaq. Jobaǧa 25 jekemenşık ortalyq qatysyp otyr. Būǧan qajettı qarjy – 915 mln teŋge biudjettıŋ naqtylauyna şyǧarylady, – dedı baiandamaşy.
Astana qalasy Mädeniet basqarmasynyŋ basşysy Jaŋabai Meiırmanqūlov elordadaǧy mädeni oşaqtar körsetetın qyzmetterge taldau jürgızılgenın baiandai kele, «Astana Opera» jäne «Astana Balet» teatrlary biletterınıŋ ortaşa baǧasy 25 myŋ teŋgenı qūraitynyn aitty.
– Türkıstan drama teatrynyŋ bır ǧana «Börte» qoiylymynyŋ biletterı 50 myŋ teŋgege deiın satylǧan uaqyttar boldy. Al qala äkımdıgıne qarasty 6 teatr biletterınıŋ baǧasy 2500-3000 teŋgeden aspaidy, – degen Mädeniet basqarmasynyŋ basşysy qala teatrlarynyŋ qoiylymdary joǧaryda atalǧan respublikalyq teatrlar men Türkıstan teatrynan kem emestıgın atap öttı. Dälel retınde Muzykalyq jas körermen teatry byltyr «Gauhartas» qoiylymymen ūlttyq «Ūmai» syilyǧynyŋ «Üzdık muzykalyq qoiylym» atalymynda bas jülde alǧanyn, al M.Gorkii atyndaǧy Memlekettık akademiialyq orys drama teatry «Jazdyŋ soŋy» spektaklımen «Üzdık qoiylym» atanǧanyn keltırdı.
Basqarma basşysy eger qala teatrlary biletterınıŋ baǧasy ösetın bolsa, olardyŋ ışkı kırısı artyp, qyzmetkerlerınıŋ jalaqysy men syiaqysy köbeietının, būǧan qosa, bäsekelestık artatynyn jetkızdı.
– Az qamtylǧan otbasylar men köpbalaly analarǧa ärtürlı mädeniet mekemelerı arnaiy qoiylymdardy ūsynyp, aqysyz negızde körsete beredı, – dedı Jaŋabai Meiırmanqūlov.
Qalalyq Qoǧamdyq keŋes töraǧasy Zulfuhar Ǧaiypov pen keŋes müşelerı Sapar Ahmetov pen Marat Mūstafin qala teatrlary biletterınıŋ baǧasyn köterudı qoldaitynyn aita kele, mūnyŋ artyqşylyǧyna toqtaldy. Qoǧamdyq keŋes müşesı Kärımbek Qūrmanälı qala teatrlarynyŋ tanymaldyǧy, qoiylymdaryn nasihattau mäselesın köterdı. Sapar Ahmetov ūrpaq tärbiesındegı kıtaphanalardyŋ maŋyzyn aityp öttı.
– Qazır teatrda, öner salasynda qyzmet etıp jürgen azamattardyŋ eŋbekaqysy laiyqty boluy kerek. Sondyqtan ūsynysty qoldaimyn. Bügınde Astana qalasy ülken megapoliske ainaldy. Bıraq elordada kıtaphanalardyŋ sany būrynǧy Selinograd, Aqmola kezınen aspai, sol qalpynda qalyp qoidy. Eger mädeniettı, bılımdı ūrpaq tärbieleimız desek, būǧan közqarasymyzdy özgertuımız kerek. Öitkenı kıtap oqyǧan adam – bılımdı adam ǧana jetıstıkke jetedı. Qazır bala tärbiesın äleumettık jelıler men planşetterge berıp qoidyq. Būl dūrys emes. Bügınde köz aurulary emhanalaryna barsaq, köptegen balany köremız. Ata-analar balalaryna kıtap oqytudyŋ ornyna qolyna gadjet ūstatyp qoiady. Sonda 5-6 jasqa kelgen kezde balalar köz auruyna ūşyraidy. Al damyǧan elderde kıtaphanalar tolyp otyrady. Kıtaphana – ülken tärbie oşaǧy. Sondyqtan osy baǧytta bır baǧdarlama daiyndau kerek. Astanamyz öŋırlerge ülgı körsetetındei bolsa eken deimın, – dedı Sapar Ahmetov.
Oǧan jauap bergen Mädeniet basqarmasynyŋ basşysy byltyr elordada 18 kıtaphana bolǧanyn, qala äkımımen kelıse otyryp, Nūra, Esıl, Saryarqa, Almaty audandarynda qosymşa ǧimarattar alynǧanyn, sonymen kıtaphana sany 22-ge jetetının aityp öttı. Būl ǧimarattarǧa 300 mln teŋge kölemınde qarjy bölındı. Konkurs jariialanyp, onyŋ qorytyndysy osy aqpan aiynyŋ soŋyna deiın belgılı bolady. Sodan soŋ jaŋa 4 ǧimarat pen būrynǧy 4 kıtaphananyŋ ǧimaratyna kürdelı jöndeu jürgızılıp, biylǧy şılde-tamyz ailaryna deiın barlyǧy 8 kıtaphana jöndelıp, jaŋǧyrtylady.
– Ötken jyldyŋ qaraşa aiynda kıtaphanaşylardy Türkiiaǧa täjıribe almasuǧa jıberdık. Qazır bauyrlas eldıŋ ülgılerımen qala kıtaphanalarynyŋ jaŋa dizainyn syzyp jatyrmyz, – dedı Jaŋabai Meiırmanqūlov.
Sapar Ahmetov qala kıtaphanalaryn jobalaǧanda Ūlttyq akademiialyq kıtaphana ülgısınen aulaq boludy ūsyndy.
– Soŋǧy jyldary Ūlttyq akademiialyq kıtaphana bölme-bölmege bölınıp, är adamnyŋ jeke kıtaphanasyna ainalyp kettı. Onda kelgen adamdardyŋ otyryp, kıtap oqityn jerı bolmai qaldy. Sondyqtan qala kıtaphanalaryn jobalaǧanda ideologiiasyna, konsepsiiasyna mūqiiat bolyŋyzdar. Adam kıtaphanaǧa kırgende otyryp, rahattanyp kıtap oqityn oryn boluy kerek. Ärine, Ūlttyq akademiialyq kıtaphanada elımızdıŋ ülken tūlǧalarynyŋ kıtaphanalary oryn tepken. Bıraq är tūlǧanyŋ üiınde tūrǧan kıtaptaryn äkelıp, bölmenı jauyp tastaudan ne paida? – degen Sapar Ahmetov Säken Seifullin köşesındegı būryn kıtaphana bolǧan, keiın «7 arna» telearnasyna berılgen ǧimaratty qaitadan kıtaphanaǧa qaitaru mäselesın qarastyrudy ūsyndy. Jiynda jaŋa kıtaphanalardy aşqanda olardy qalanyŋ şetıne aparmai, halyq köp baratyn sauda ortalyqtarynan aşu mümkındıgın qarastyru da ūsynyldy.
