Astana qalasy Qoǧamdyq keŋesınıŋ otyrysynda kommunaldyq aqyly parkingterdı paidalanu erejelerı, qalalyq kölıkte jol jüru tarifterı jäne januarlardy ūstau erejelerı talqylandy.
Qalalyq Kölık jäne jol-kölık infraqūrylymyn damytu basqarmasynyŋ basşysy Ashat Qaraǧoişin «Astanada Kölık qūraldaryn tūraqqa qoiu üşın aqy aluǧa jäne tūraqqa qoiu uaqytyn esepke aluǧa arnalǧan arnaiy sertifikattalǧan qūrylǧylarmen jabdyqtalǧan oryndardy aiqyndau turaly» Astana äkımdıgı qaulysynyŋ jobasyn ūsyndy.
Keŋes müşelerı ärtürlı ūsynystar aityp, būl qūjatty maqūldady. Atap aitqanda, tūraq oryndary nemese kırıktırılgen parkingterı joq köpqabatty ǧimarattardyŋ janynda aqyly tūraq oryndaryn engızbeu, kölık jüretın joldarǧa parkomat ornatpau, jalpyǧa ortaq, keptelısı az, ırı biznes nysandary men äkımşılık köpqabatty ǧimarattar joq köşelerdı bos qaldyru ūsynyldy.
Sondai-aq zeinetkerlerge arnalǧan tūraq oryndarynyŋ qyzmetterı üşın aqy töleu tarifterın tömendetu mäselesın qarastyru ūsynyldy. Būl jobanyŋ jaŋaşyldyǧyna oŋ äser etetını aityldy. Jol qozǧalysy erejelerın būzudyŋ basqa türlerıne aiyppūl salu turaly mäselenı zerdeleu (tyiym salu belgısımen tūraq, kögal nemese tabloidtyq bölıkte tūraq jäne basqalar) äŋgıme boldy.
Äleumettık nysandardyŋ (HQKO, emhana, auruhana jäne basqalar) janynda aqyly tūraq qaǧidaty boiynşa aqyly tūraq aqysy 61 minuttan asatyn alǧaşqy 60 minutta aqyly tūraq engızudı qarastyru, balalardy kölıkke otyrǧyzu jäne tüsıru kezınde ekı qatardaǧy tūraq mäselelerın şeşu jäne bılım beru nysandary janynda apatty jaǧdaidy azaitu üşın oquşylardyŋ auysym kestesıne säikes tūraqtardyŋ 120 minutqa deiıngı tegın qyzmetın qamtamasyz etu ūsynyldy. Mäselen, mektepter men balabaqşalar janynda saǧat 7.30-dan 9.00-ge deiın, 12.00-den-14.00-ge deiın jäne 17.00-den 19.00-ge deiın tūraqtar tegın jūmys ıstese degen ūsynys aityldy.
Jiynda «Astana aumaǧynda kommunaldyq aqyly avtotūraqtardy (parkingterdı) paidalanu erejelerı turaly» ekı joba jäne Astana qalasy boiynşa qalalyq jäne qala maŋyndaǧy qatynastarda jolauşylar men bagajdy avtokölıkpen tūraqty tasymaldauǧa arnalǧan tarifterge qatysty qauly jobasy pysyqtauǧa qaitaryldy.
Elordanyŋ Säulet, qala qūrylysy jäne jer qatynastary basqarmasynyŋ basşysy Altynbek Ahmetov «Astana qalasynyŋ säulet kelbetın qalyptastyru jäne qala qūrylysyn josparlau qaǧidalary» qaulysynyŋ jobasyn talqylauǧa şyǧardy. Būl qūjatty talqylau barysynda tabiǧi apattar nemese tehnogendık apattar bolsyn, türlı tötenşe jaǧdailarǧa tözımdı qauıpsız keŋıstık qūru qajettıgı atap ötıldı. Būǧan qosa, naqty myna ūsynystar aityldy: Astana qalasynyŋ Bas josparynda qala qūrylysyn erekşe retteu aimaqtarynyŋ naqty şekaralaryn beineleu; Naqty ölşem bırlıkterımen «funksionaldy aimaqtardy yqşam ornalastyru» ūǧymyna tolyq anyqtama beru; Daulardy şeşu kezınde ekı jaqtyŋ da müddelerıne nūqsan keltırmei, qala tūrǧyndarynyŋ pıkırınıŋ obektivtılıgın anyqtau; tyǧyzdyqty esepteu üşın eŋ tömengı ortaşa tūrǧyn üimen qamtamasyz etudıŋ mölşerın 18 şarşy metrge deiın ūlǧaitpau jäne ony 15 şarşy metr deŋgeiınde qaldyru. Jalpy būl joba da qaita qarauǧa jıberıldı.
Qorşaǧan ortany qorǧau jäne tabiǧatty paidalanu basqarmasynyŋ basşysy Erlan Berdalin äkımdıktıŋ «Astana qalasynyŋ aumaǧynda januarlardy ūstau erejelerı turaly» qaulysynyŋ jobasyn tanystyrdy. Būl jobaǧa qatysty sūraqtar tuyndamai, qūjat maqūldandy. Öitkenı «Veterinariia turaly», «Januarlarǧa jauapkerşılıkpen qarau turaly» Qazaqstannyŋ qoldanystaǧy zaŋdaryna säikes äzırlendı.
Elordanyŋ İnvestisiialar jäne käsıpkerlıktı damytu basqarmasynyŋ basşysy Halel Äkımjanov «Astana qalasynda kondominium obektısın basqaruǧa jäne kondominium obektısınıŋ ortaq mülkın ūstauǧa jūmsalatyn şyǧystardyŋ eŋ az mölşerın bekıtu turaly» qauly jobasyn talqylauǧa şyǧardy.
Qoǧamdyq keŋes kondominium obektısın basqaruǧa jäne Astanadaǧy kondominium obektısınıŋ ortaq mülkın ūstauǧa jūmsalatyn şyǧystardyŋ eŋ az mölşerın bır şarşy metr üşın 57 teŋge somasynda bekıtuge ūsynuǧa şeşım qabyldady. Bıraq tarif kürdelı jūmys türlerı men materialdardy satyp alu üşın jetkılıksız bolatynyn eskeru qajettılıgı aityldy. Keŋes müşelerı būl mäselede halyqqa tüsındıru jūmystaryn küşeitudı tapsyrdy.
Jalpy Qoǧamdyq keŋes otyrysynda qalanyŋ äleumettık jäne mädeni ömırı üşın maŋyzdy mäselelerdıŋ keŋ auqymy qamtyldy. Maqūldanǧan şeşımder azamattardyŋ äl-auqatyn arttyruǧa jäne qalalyq infraqūrylymdy damytuǧa baǧyttalǧan.
Qūralai MŪRATOVA
