Äleumettık jelını jaqsy jaǧynan öz paidasyna qoldanatyndar bar. Däl solai bılmestıkten densaulyǧyna ziian tigızıp jatqandar jetkılıktı.
Qazırgı taŋda äleumettık jelı adamzat ömırınıŋ bır bölşegıne ainalǧan. Elımızde ǧalamtor şeŋberın paidalanuşylardyŋ sany artpasa, kemımeidı. Ony qoldana alatyn kez kelgen adam özıne qajettı, paidaly maǧlūmattardy tauyp qana qoimai, özara bır-bırımen nemese qoǧammen bölıse alady.
Paidaly jaǧyn aita ketsek, alys eldegı adamdarmen, tanystarymyzben, jaqyndarymyzben oŋtaily ūialy telefon arqyly tıldese alatynymyz, iaǧni tek özara pıkır almasyp qana qoimai, elımızdegı türlı jaŋalyq, qoǧamdaǧy qyzu talqylanyp jatqan mäseleler töŋıregınde oi bölısemız.
Mektep oquşylary üşın köptegen elektrondy kıtap nūsqalary şyqty. Kıtapty tasyǧanşa, bala telefon qūrylǧysyn paidalana otyryp oquyna bolady. Jūmys ornyna ornalasuǧa ötınış berıp, üige kezekke tūru, nesie räsımdeu, päterdı jalǧa alu syndy onlain qyzmetter uaqytty ünemdeidı.
Äleumettık jelı arqyly hobbiın tapqan adamdar da köp. Ǧalamtor mümkındıgınıŋ keŋdıgı sonşa, qosymşa arqyly jeke biznesın, imidjın qalyptastyrǧandar bar. Bärımızge mälım Instagram, YouTube qosymşalary arqyly qomaqty tabys tauyp jatqandar barşylyq.
«Äleumettık jelıden är adam keregın alady. Mysaly, özım aqşa tauyp otyrmyn. Belgılı bır käsıporynnyŋ jelıdegı paraqşasyn jürgızemın. Ol satylymdy ösıredı, solai käsıp damidy. SMM mamanymyn» dedı elordalyq tūrǧyn Aikörkem Bahtiiarqyzy.
Eger ony şamadan tys qoldansaq, ǧalamtor jelısınıŋ ziiandy tūsy da jetkılıktı. Äuelgısı densaulyqqa ziian, atap aitqanda, jüike jüiesınıŋ jūqaruy, bastyŋ jiı auruy, köru qabıletınıŋ naşarlauy. Keide adamdar sana-sezımı älsırep, söileu qabıletınen aiyrylady. Kompiuter monitorynyŋ aldynda ūzaq uaqyt otyrǧandyqtan psihika tez būzylady. Ǧalamtor jelısınde alaiaqtar jeke tūlǧa jaily mälımet alyp, ony ärtürlı jaǧdaida bopsalap, jala jabuy äbden mümkın.
«Ǧalamtordyŋ äserınen tıl sauatsyzdyǧy köbeiıp barady. Täuelsızdık alyp, ana tılımızdıŋ märtebesı öz qolymyzǧa tigenmen, tılımızge ornyǧyp alǧan keibır aralas sözderden älı aryla almai kelemız» deidı qazaq tılı men ädebiet pänınıŋ mamany Ainagül Kemalieva.
Qorytyndylai kele aitarym, äleumettık jelınıŋ tek tiımdı tūstaryn qoldanyp, asa täueldılıkke ūrynbaiyq.
Anel AMANGELDİEVA,
L.Gumilev atyndaǧy
Euraziia ūlttyq
universitetınıŋ studentı
