Astanada qala tūrǧyndaryna jattyqtyruşymen bırge tegın jäne tıkelei öz aulasynda sportpen şūǧyldanuǧa mümkındık beretın AULAFIT äleumettık jobasy jalǧasyp jatyr. Bügın joba qatysuşylary taŋǧy jattyǧudy ekoaksiiany qoldau maqsatynda erekşe ötkızdı, dep habarlaidy astana-akshamy.kz.
Taŋǧy jattyǧuǧa jinalǧan astanalyqtar senbılıkke qajettı sporttyq jabdyqtarmen türlı jattyǧu jasap, qalada ötıp jatqan «Taza Qazaqstan» ekologiialyq aksiiasyn qoldaityndaryn bıldırdı.
AULAFIT äleumettık jobasynyŋ jetekşısı Aitjan Musinnıŋ sözınşe, aldaǧy uaqytta özge aulalarda da taŋǧy jäne keşkı jattyǧu barysy qyzyqty ötkızılmek.
«Būl joba osydan tört jyl būryn bastau alyp, elımızdıŋ tükpır-tükpırınde keŋınen jüzege asyryla bastady. Aituly joba arqyly qala tūrǧyndary jattyqtyruşymen bırge tegın ärı öz üiınıŋ aulasynda sportpen şūǧyldana alady. Onyŋ aiasynda jattyqtyruşylar kündelıktı är aulaǧa baryp, futbol, basketbol, voleibol siiaqty komandalyq oiyndar boiynşa jäne jalpy fizikalyq daiyndyq boiynşa jattyǧular jürgızedı. Qatysamyn deuşılerdıŋ jasyna şekteu qoiylmaidy. Bügınnen bastap barlyq aula tūrǧyndary «Taza Qazaqstan» auqymdy ekologiialyq aksiiasyn qoldau maqsatynda jattyǧudan keiın aulalaryn jinastyrady. Odan bölek jattyǧu barysyn da erekşe ötkızdı. Aldaǧy uaqytta būl ürdıs barlyq aulada jalǧasyn tabady», – deidı A.Musin.
Bügınde äleumettık joba elordadaǧy 30 aulada jüzege asyp jatyr. Oǧan 3 myŋnan astam qala tūrǧyny qatysyp, kündelıktı sportqa degen belsendılıgın körsetıp jür. Solardyŋ bırı – 66 jastaǧy Ädılet Erǧalieva. Elorda tūrǧyny joba bastalǧaly taŋǧy jäne keşkı jattyǧularǧa tūraqty türde qatysyp keledı.
«Men ekı jūmadan berı, iaǧni osy joba bastalǧaly taŋǧy jattyǧuǧa qatysyp jürmın. Öte keremet joba. Osynda kelıp, dene jattyǧularyn jasaimyz. Ädette üide otyrǧanda mūndai jattyǧulardy eskermeimız, degenmen densaulyq üşın sportpen ainalysu maŋyzdy. Sondyqtan da būl joba bız siiaqty apalarǧa öte paidaly. Bärımız taŋerteŋ jäne keşke bır saǧat boiy sportpen şūǧyldanamyz.
Jattyqtyruşymyz – Jantöre mädeniettı jäne sypaiy jıgıt. Ol bızge jattyǧudy qalai dūrys oryndau kerek ekenın tüsındırıp, üiretıp jatyr. Bız apalar bolyp joba ūiymdastyruşylaryna jäne jattyqtyruşymyzǧa alǧys aitamyz», – deidı Ädılet Erǧalieva.
Aita keteiık, taŋǧy jattyǧuǧa qatysuşylar odan keiın aula aumaǧynda tazalyq jūmysyn jasady.
Jalpy elordalyqtar jattyqtyruşymen tegın jäne tıkelei aptanyŋ är düisenbı, särsenbı jäne jūma künderı qalanyŋ 15 jerınde, al seisenbı beisenbı, senbı künderı özge 15 aulada sportpen şūǧyldana alady.
Iаǧni, taŋǧy saǧat 9-dan bastap aǧa buyn üşın, ūldar men qyzdar üşın saǧat 10:00-de jattyǧular ötedı. Al keşke 17:00-den bastap 6-10 jastaǧy balalarǧa arnalǧan sabaqtar, 18:00-de 11-15 jastaǧy balalarǧa arnalǧan sabaqtar jäne 19:00-de jastarǧa arnalǧan jattyǧular ötedı.
Düisenbı, särsenbı jäne jūma künderı jattyǧular kelesı meken-jailar boiynşa ötedı:
1. N. Tılendiev daŋǧ., 38;
2. Änet baba, 11 – «Manheten» TK;
3. Ş. Aitmatov daŋǧ., 60 – «Madrid» TK;
4. Saryarqa köş., 11;
5. Kenesary daŋǧ., 64 – «Daryn» TK;
6. Syǧanaq köş., 14 – «Şyǧys TK»;
7. S.Kubrin köş., 23/1 – «Evropeiskii» TK;
8. Ūly dala, 31/1 – «Alpamys» TK;
9. Momyşūly daŋǧ., 12 – «Astana Meruert» TK;
10. Türkıstan köş., 10 – «Körkem 2» TK;
11. Qoşqarbaev daŋǧ., 45;
12. Küişı Dina köş., 31 – «Miras» TK;
13. Sauran köş., 3/1 – «Sarmat 1» TK;
14. Mäŋgılık el daŋǧ., 19 – «Aisanam» TK;
15. Qabanbai batyr daŋǧ, 59B – «Budapeşt» TK.
Seisenbı, beisenbı, senbı künderı sporttyq jattyǧular kelesı meken-jailar boiynşa ötedı:
1. S 303 köş., 2 üi;
2. Ş. Aitmatov daŋǧ., 36 – «Jaǧalau» TK;
3. Qorǧaljyn tas joly, 25 – «Elorda 2020» TK;
4. Ş. Qosşyǧūlūly köş., 20;
5. Puşkin köş., 15 – «Kitaiskaia stena» TK;
6. J. Moldaǧaliev köş., 6;
7. S. Seifullin daŋǧ., 9 – «Djungarskie vorota» TK;
8. Saraişyq köş., 34 – «Diplomat» TK;
9. Qūdaiberdıūly daŋǧ., 5;
10. Sauran köş.,5 – «Gradkompleks 2 TK;
11. Qoşqarbaev daŋǧ., 34 – «Türkıstan» TK;
12. B.Mailin köş., 31 – «Apato» TK;
13. Äl Farabi daŋǧ., 34/3 – «Nova City» TK;
14. Beibarys sūltan köş., 11 – «Qazanat River» TK;
15. Ainaköl köş., 60 – «Barys» TK.
