Äskeri qyzmetşılerdı boryşyn öteu kezınde nesie töleuden bosatu josparlanyp otyr, dep habarlaidy astana-akshamy.kz
Qazaqstanda äskeri mındetın atqaryp jürgender qyzmetınıŋ merzımı men taǧy qosymşa 60 künge qaryzdary men nesielerın öteuden bosatyluy mümkın.
Tiıstı qauly jobasy «Aşyq NQA» portalynda jariialanǧan, ony Qazaqstannyŋ Qorǧanys ministrlıgı äzırledı.
Qauly jobasynyŋ qūjatyndaǧy aqparatqa säikes, «Qazaqstan Respublikasynyŋ azamattaryn äskeri qyzmetke şaqyrudy ūiymdastyru men jürgızu qaǧidalaryn bekıtu turaly» ükımettıŋ 2012 jylǧy 15 mamyrdaǧy №620 qaulysyna tolyqtyru engızu josparlanyp jatyr.
Jobaǧa qosa berılgen tüsındırme qūjatyna süiensek, atalǧan qaulyny qoldanystaǧy zaŋda qarastyrylmaǧan tarmaqpen tolyqtyru ūsynylǧan. Iаǧni būl merzımdı äskeri qyzmetşılerdıŋ nesielerı men qaryzdaryna qatysty.
«Qazaqstan Respublikasynyŋ zaŋnamasyna säikes merzımdı äskeri qyzmettegı äskeri qyzmetşılerdıŋ merzımdı äskeri qyzmet ötkeru merzımı jäne ony aiaqtaǧannan soŋ 60 kün qosa alynatyn kezeŋde banktık qaryz şarty jäne (nemese) mikrokredit beru turaly şart boiynşa qaryzy jäne (nemese) mikrokreditı boiynşa syiaqy eseptelmei, negızgı boryş pen syiaqy boiynşa tölemı keiınge qaldyrylady», – dep jazylǧan qauly jobasynyŋ tüsındırme qūjatynda.
