Aida Balaeva: Aqparattyq şabuyldarǧa jäne destruktivtı ideologiianyŋ taraluyna qarsy keşendı şaralar qabyldanady.

Bügın QR Mädeniet jäne aqparat ministrlıgınıŋ keŋeitılgen alqa otyrysynda Mädeniet jäne aqparat ministrı Aida Balaeva vedomstvonyŋ 2024 jylǧa arnalǧan jūmys josparyn jariialady, dep habarlaidy astana-akshamy.kz. 

Is-şaraǧa Parlament deputattary, ziialy qauym ökılderı, QHA, ÜEŪ, jastar ūiymdary, BAQ ökılderı qatysty.

«Ministrlıktı qūru barysynda, Memleket basşysy Ükımet aldyna auqymdy mındetter qoidy. Atap aitqanda, bäsekege qablettı, jahandyq kontekste bıregei mädenietın saqtaǧan ūlttyq bolmysymyzdy qalyptastyru arqyly memleket pen qoǧamnyŋ üilesımdı damuyn, ışkı ideologiialyq jäne syrtqy imidjdık äleuetın, azamattarymyzdyŋ el erteŋıne senımdılıgın qamtamasyz etu. Ärine, osyndai strategiialyq ırı mındettıŋ üdesınen şyǧu üşın bız ministrlık qūzyretındegı barlyq salalar men baǧytttardaǧy josparlarymyzdy saraptap, jaŋa deŋgeige köterdık», – dedı Aida Balaeva.

Sonymen qatar ministr biyl köptegen jaŋa jobalar men bastamalar  josparlanyp otyrǧanyn da atap öttı. Mädeniettıŋ barlyq salasy boiynşa keşendı jūmystar atqarylyp jatyr.

Būl jyldyŋ basty jaŋalyqtarynyŋ bırı,  elımızdegı tatulyq pen yntymaqty tu etken «Bırlık» ansamblı qūryldy. «Aqjauyn» ansamblıne respublikalyq status beru  mäselesı turaly şeşım qabyldanuda.

Kıtap ısı boiynşa jürgızılgen jūmystardyŋ nätijesınde, endı kıtaptardy basyp şyǧaru, ädebiettı qoldau qalyŋ köpşılıkpen talqylanyp, jaŋa erejege säikes jüzege asatyn bolady.

Jaŋa tuyndylar men jas talanttardy tanytu, ūlt ädebietınıŋ jauharyna ainalǧan tuyndylardy qaita basyp şyǧaru, olardy ädebiettıŋ özektı mäselelerın ortaǧa salyp, jaŋa tendensiialardy talqylau älemdık tılderge audaru siiaqty mäselelerdı memlekettık qoldau maqsatynda ministrlık janynan ädebi klub aşylady.

Osy jyldan bastap memlekettık qoldauǧa ümıtker kinojobalardy konkurstyq ırıkteu erejelerı de özgerdı. Ūlttyq kinony qoldau ortalyǧy ssenariilerdı qabyldap, olardyŋ eŋ jaqsysyn sarapşylar keŋesı taŋdaidy.

«Bız alǧaş ret 7 tılde taralatyn «Mädeniet» onlain-portalyn ıske qosatyn bolamyz. Jaŋa portal arqyly mädeni qūndylyqtarymyzdy qazaqstandyq qana emes, şet el auditoriiasyna nasihat etudı maqsat etıp otyrmyz. Būndai jobalar älemdık täjıribede öz tiımdılıgın baiaǧyda-aq körsetken. Ūlttyq muzei janynan ūltymyzdyŋ san ǧasyrlyq tarihynan syr şertetın qūndylyqtarymyzdyŋ ömırşeŋdıgın saqtap qaluǧa jaǧdai jasaityn auqymdy restavrasiia ortalyǧy qūrylady. Sonymen qatar alys-jaqyn şetelderdegı bızdıŋ tarihi qūndy mūralarymyzdy qaitaru halyqaralyq zaŋnamaǧa säikes jürgızıletın bolady» – deidı ministr.

Barlyq vedomstvo men jüielerdıŋ kıtaphanalaryna Qazaqstandyq ūlttyq elektrondyq kıtaphana kezeŋ-kezeŋımen engızıledı. Biylǧy bırınşı toqsanynda pilottyq jobaǧa qosylatyn 2 oblystyq kıtaphana anyqtalady.

«El ideologiiasynyŋ basty tūtqalarynyŋ bırı būl, ärine, aqparattyq saiasat. Otandyq aqparattyq kontenttıŋ bäsekege qabılettılıgı men sapasyn arttyru, onyŋ qūndylyǧyn tolyqtyru, aqparattyq qauıpsızdıktı qamtamasyz etuge baǧyttalǧan keşendı şaralar qoldanyluda.

Prezident memleket müddesın, qoǧamnyŋ sūranysyn jäne mediasferanyŋ damu ürdısın eskere otyryp, media zaŋnamany qaita qarau turaly tapsyrma bergen bolatyn. Soǧan bailanysty «Mass-media turaly» zaŋ jobasy äzırlenıp, Mäjılıstıŋ bırınşı oqylymynda maqūldandy.

Aqparattyq şabuyldarǧa jäne destruktivtı ideologiianyŋ taraluyna qarsy keşendı şaralar qabyldanady. Mäselen, «sūr tarelkalardy» taratqany üşın äkımşılık jauapkerşılık engızu, media saladaǧy biznes-prosesterdı sifrlandyru şeŋberınde bıryŋǧai media platforma qūru josparlanuda», – dedı Aida Balaeva.

Zaŋ qabyldanǧannan, memlekettık aqparattyq tapsyrystardy bölu mehanizmınen granttyq qarjylandyruǧa köşedı, şekara maŋyndaǧy öŋırlerdı ratifikasiialau boiynşa jūmys jürgızıledı, salalyq jurnalistika damidy, sondai-aq jurnalisterdıŋ bılıktılıgın arttyru jönındegı jūmys jalǧastyrylady.

Balalar kontentın damytuǧa, mümkındıgı şekteulı jandardyŋ aqparatqa qol jetkızuın qamtamasyz etuge erekşe nazar audarylatyn bolady.

Halyq arasynda eŋ köp sūranysqa ie qarqyndy damyp kele jatqan alaŋdardyŋ bırı – qoǧamdyq keŋester. Osyǧan bailanysty ministrlık janynan Qoǧamdyq keŋesterdıŋ üilestıru ortalyǧy qūryldy.

Azamattyq qoǧam salasynda azamattyq qoǧamdy damytu t ūjyrymdamasy äzırlenedı,  al 2024 jylǧy säuırden bastap qoǧamdyq baqylau jäne onlain-petisiialar tetıgı engızıledı.

Memleket basşysynyŋ tapsyrmasy boiynşa kreativtı industriialardy damytu boiynşa jüielı şaralar qabyldanuda, onyŋ şeŋberınde «Kreativtı industriialardy qoldau ortalyǧy» korporativtık qoryn qūru pysyqtaluda, sondai-aq öŋırlerde kreativtı habtar aşu josparlanuda.

Dın salasyndaǧy memlekettık saiasatty damytudyŋ 2024-2028 jyldarǧa arnalǧan tūjyrymdamasynyŋ jobasy daiyndaldy.

Etnosaralyq kelısım salasynda Memleket basşysynyŋ tapsyrmasy boiynşa alǧaş ret 2023 jyly «El bırlıgı» ordenı, mädenietaralyq jäne etnosaralyq bırlıktı nyǧaituǧa qosqan ülesı üşın «Mädeniet pen öner salalaryndaǧy üzdık jūmystary men tuyndylary üşın» jäne «Ädebiet pen jurnalistika salalaryndaǧy üzdık jūmystary üşın» syilyqtary taǧaiyndaldy.

«Qazaqstandaǧy ūlt qalyptastyru: qazırgı jai-küiı, prosester men ürdıster» taqyrybynda baiandama äzırlendı.

«Bızdıŋ ministrlık Ädılettı Qazaqstannyŋ qūryluyna eleulı üles qosyp, Prezidenttıŋ auqymdy baǧdarlamalary men bastamalaryn ıske asyru boiynşa jūmysyn jalǧastyratyn bolady», – dep tüiındedı ministr.