Aida Balaeva kiız üide jartylai jalaŋaş bilegenderdıŋ videosyna qatysty pıkır bıldırdı
LGBT ökılderınıŋ kiız üide jartylai jalaŋaş bilegen videosy äleumettık jelıde tarap kettı. Qasiettı qara şaŋyraqty beiädep qylyǧymen masqaralaǧandardyŋ äreketı jelı qoldanuşylarynyŋ aşuyn keltırdı. Bügın Mädeniet jäne aqparat ministrı Aida Balaeva osy beine jazbaǧa qatysty Facebook paraqşasynda pıkır bıldırdı, dep habarlaidy astana-akshamy.kz.
«Qūrmettı dostar! Özderıŋızge mälım, Ata zaŋymyzda barlyq azamattyŋ qūqyǧy teŋ, olardyŋ ar-namysy men qadır-qasietın qūrmetteuge kepıldık berılgen. BAQ pen äleumettık jelılerdıŋ maŋyzy arta tüsken qazırgı kezde qandai kontent jasalyp, bölısılıp jatqanyna erekşe mūqiiat boluymyz kerek. Adamdardyŋ köŋılıne qaiau salyp, mädeni jäne ūlttyq bolmysymyzǧa syzat tüsıretın jazbalar men beinerolikterge jol berılmeidı», – dep jazdy ministr.
Aida Balaeva QR Mädeniet jäne aqparat ministrı retınde kiız üide bi bilep, beiädep äreketımen qoǧam nazaryn audartqan beinerolik turaly aitqysy keletının jazdy.
«Mūndai kontent qoǧamda alauyzdyq tudyruy mümkın. Arandatuşylyqqa da ūryndyruy yqtimal. Ärine, öskeleŋ ūrpaq tärbiesıne kerı äserın tigızedı. Videonyŋ mazmūny qazaq halqynyŋ qūndylyqtary men salt-dästürlerıne qaişy keledı.Taǧy bır mäsele öte maŋyzdy. Memlekettık äleumettık tapsyrystar dästürlı qūndylyqtarymyzdy saqtau men nasihattauda erekşe jauapkerşılıktı talap etedı. Ūlttyq qūndylyqtardan bas tartu mädenietımızge, salt-dästürımızge jäne ädet-ǧūryptarymyzǧa qaşan da qauıp töndıredı. Al bırlıgımız ben tūraqtylyǧymyzdyŋ myzǧymas negızın saqtau — ortaq paryzymyz», – dep jazdy Aida Balaeva.
Ol sondai-aq, media-prosesste jürgen barşa adamdardy kontent jasauda mūqiiat boluǧa şaqyrdy.
«Kez kelgen şyǧarmaşylyq jūmysta ūlttyq salt-dästür men qūndylyqtardy qūrmetteuge basymdyq tanytu kerek. Jūdyryqtai jūmylyp, bırlese jūmys ıstep qana halqymyzdyŋ basyn bırıktırıp, bölşekteuge bolmaityn bai mädeni mūramyzdy saqtap qala alamyz», – dedı ol.
