Äielder men balalar qūqyǧynyŋ taptaluy, arajıgı ajyrap bara jatqan otbasy instituty, tūrmystaǧy zorlyq-zombylyqty kriminalizasiialau boiynşa zaŋdy jetıldıru – bügıngı qoǧamdaǧy eŋ özektı mäseleler. Mūny şeşu jolynda näzık te bolsa nardyŋ jügındei zor jauapkerşılık arqalaǧan elordalyq belsendı qazaq äielderınıŋ bırı – qoǧamdaǧy qairatkerlıgımen közge tüsıp jürgen aru ana Nazgül MAQJAN.
Bügınde Astana qalasy äkımdıgınıŋ janyndaǧy äielder ısterı jäne otbasy-demografiia saiasaty jönındegı komissiia töraǧasynyŋ orynbasary, elordada Qazaqstan äielder küşterı aliansy filialynyŋ töraǧasy qyzmetın qosa atqaratyn Nazgül Maqjan joǧaryda atalǧan mäselelerdı şeşuge köp küş-jıger jūmsap jür. Köpbalaly äulette düniege kelgen ol bala kezden eŋbekqor, jauapkerşılıgı mol bolyp qalyptasty, sonymen qatar, boiynda köşbasşylyq qasietter qatar damydy. Astana qalalyq mäslihatynyŋ deputaty bolǧan kezınde «tuǧan elıme ne beremın?» degen sūraqty özıne köp qoidy. Onyŋ belsendılıgınıŋ arqasynda «Ürker» şaǧyn audanynda ört söndıru deposynyŋ qūrylysy bastaldy. K.Aqyşev atyndaǧy mekteptıŋ talantty jastaryn qoldap, mektep qūrylysynyŋ jalǧasyn tabuyna sebepşı boldy. Onyŋ bastamasymen türlı ekologiia aksiialary bastau aldy. Eks-deputattyŋ küşımen Şyǧys İlinka tūrǧyn alabyna Ürker atauy berıldı. Otbasy jäne balalar tärbiesı mäselelerı boiynşa türlı jobany jüzege asyrady. Sonymen qatar memlekettık apparat pen biznes qūrylymdarynda äielderdıŋ ülesın arttyru boiynşa jūmystarǧa qoldau bıldıredı.
Jeke käsıpkerlıgın qarqyndy damytyp otyrǧan ol elorda oquşylary men ūstazdary üşın muzeilerge, teatrlarǧa öz qarajatyna ekskursiia ūiymdastyryp beredı. Aituynşa, biznes er ne äiel dep bölınbeidı. Näzık jan bola tūra, äielderdıŋ jeke damuy men bizneste zor jetıstıkke jetuıne mümkındık köp.
– Qazırgı qoǧamda eŋbek mädenietın keŋınen nasihattap, azamattarǧa bılım küşı men adamgerşılık qūndylyǧyn tereŋnen sıŋıruımız kerek. Azamattar ainalasyna bei-jai qaramaityn bolǧanda ǧana qoǧam men memlekette oŋ özgerıster men reformalar dūrys jüzege asady. Sondyqtan eldıŋ ärbır azamaty qoǧam ömırındegı oqiǧalarǧa belsendı qatysuy kerek, – deidı N.Maqjan.
Ädemı de aqyldy kelınşek – ekı balanyŋ anasy. Qauyrt jūmys arasynan demalysta otbasyna köp köŋıl böluge tyrysady. Naǧyz qazaq äielınıŋ etalony – Nazgül Seiıtqojaqyzynyŋ qoǧamǧa sıŋırgen eŋbegı joǧary baǧalanyp, «Eren eŋbegı üşın», «Halyq alǧysy» medaldary jäne Memleket basşysynyŋ Alǧys hattarymen marapattalǧan.
Qūralai MŪRATOVA
