Ainūr Baigelenova – erlık pen tabandylyqtyŋ aiqyn ülgısı. Ol polisiia qyzmetkerı bolumen qatar, kikboksingten sporttyq jarystarǧa qatysyp bırneşe ret jüldeger atanǧan.
Bala kezınen tergeuşı boludy armandaǧan Ainūr Şyǧys Qazaqstan oblysy Tarbaǧatai audany Aqjar auylynda düniege keldı. Bala kezınen oquda da, sportta da alǧyr bolǧan ol, mektep bıtırgen soŋ, Almaty qalasyndaǧy äl-Farabi atyndaǧy Qazaq ūlttyq universitetıne zaŋgerlık bılım alu maqsatynda oquǧa tüsken. Ömır jolyn universitet qabyrǧasynda jalǧastyrǧan qyzymyz tek oquda ǧana emes, sportta da joǧary jetıstıkterge qol jetkızıp, oqu barysynda kikboksing türın taŋdaǧan. Jany süigen būl sport türın taŋdaǧan sätten özın osy baǧytqa da şyŋdaidy. Erınbei jasaǧan eŋbektıŋ nätijesınde aimaqtyq, qalalyq jäne halyqaralyq jarystarda qatysyp, jeŋıs jüldelerıne ie boldy.
Oqudy üzdık tämamdaǧan soŋ, Ainūr Baigelenova ŞQO Glubokii audanynyŋ PD basqarmasynda tergeuşı bolyp jūmysqa tūrady. Al 2011 jyly Astana qalasynyŋ PD Esıl audanyna auysyp, tergeuşı qyzmetın jalǧastyrǧan. Qyzmet barysynda onyŋ sporttyq daiyndyǧy fizikalyq jäne psihologiialyq tūrǧydan asa maŋyzǧa ie.
Bılım jolyn toqtatpai 2014-2016 jyldary M.Esbolatov atyndaǧy Almaty qalasynyŋ QR IIM Akademiiasynda magistraturada, 2020-2023 jyldar aralyǧynda QR Bas prokuraturasynyŋ janyndaǧy Qūqyq qorǧau organdary akademiiasynyŋ doktoranturasynda bılım aldy.
Ol qyzmetınıŋ 19 jylyn tergeuge arnap, bügınde polisiia maiory ataǧyn da Nūra audany köşı-qon qyzmetı bölımınıŋ inspektory bolyp qyzmet etude.
Kikboksing ringınde Ainūr ülken jetıstıkterge jettı. Ol sporttyŋ densaulyqqa jäne psihologiialyq tūraqtylyqqa tigızetın paidasyn ärdaiym atap ötedı. Onyŋ sporttaǧy jetıstıkterı men polisiiadaǧy qyzmetı özara ūştasyp, ärdaiym jeŋıske jeteleitının aitady.
