Selinograd qalasy. 1960 jyldyŋ nauryz aiy. Ortalyq alaŋ. Ol kezdegı şahardaǧy jaŋadan paidalanuǧa berılgelı jatqan «Esıl» qonaqüiınıŋ aldyna jüzge tarta adam jinalyp qalypty. Būl ne, narazylyq şeruı me? Qūdai saqtasyn! Kemeldengen sosializmge bet tüzegen Keŋes Odaǧy kezeŋınde ondaidy oilaudyŋ özı qorqynyşty edı.
Sonda būl ne jiyn? Köneköz qariia, osy qalanyŋ baiyrǧy tūrǧyny Dmitrii Melkovtyŋ aituynşa, būl eşqandai miting te, jiyn da emes, ortalyq alaŋda qoǧamdyq kölık kütıp tūrǧan auysymdyq jūmystan şyqqan jaqyn maŋdaǧy terı öŋdeu zauyty men tıgın fabrikasynyŋ jūmysşylary körınedı.
«Ol kezde qazırgıdei arnaiy jabdyqtalyp, belgı qoiylǧan avtobus aialdamalary bolmaityn. Jūmysşylar auysymnan şyǧa salyp, ortalyq alaŋǧa kelıp toptalyp kölık kütetın. Qala şaǧyn ol kezde baǧdarda ekı-üş qana «pazik» jüretın. Oǧan on bes-jiyrma adamnan artyq syimaidy. Mıne, sosyn kelesısın kütuge tura keledı» dep eske alady qalanyŋ baiyrǧy tūrǧyny.
Suret QR Kinofotoqūjattar men dybys jazbalar arhivınen alyndy.
