31 mamyr – Saiasi quǧyn-sürgın jäne aşarşylyq qūrbandaryn eske alu künıne orai Astana qalasyndaǧy Qaraötkel ziratynda eske alu räsımı öttı.
Atalǧan ziratta memleket jäne qoǧam qairatkerı Smaǧūl Säduaqasov jerlengen. Äuelı Alaş arystaryna qūran baǧyştalyp, äruaqtar ruhyna taǧzym etıldı.
Eske alu räsımın aşqan «Qazaq gazetterı» JŞS direktory, alaştanuşy akademik Dihan Qamzabekūly: «Prezident Qasym-Jomart Kemelūlynyŋ Jarlyǧymen qūrylǧan Saiasi quǧyn-sürgın qūrbandaryn tolyq aqtau jönındegı memlekettık komissiia byltyr qys mezgılınde qorytyndy jariialady. 311 myŋ adam aqtaldy. 2 mln 500 myŋdai qūjat qūpiiasyzdandyryldy. Būl – öte auqymdy jūmys. Prezidentımız: «Alaştyŋ joly – bılım-ǧylym joly» degen edı. Alaş qairatkerlerınıŋ köbınıŋ beiıtı joq, olardyŋ ärbırınıŋ aty-jönı, qaiǧy-qasıretı, auyr joly turaly estelıkter men oqiǧalar tarihta jazylmaiynşa, ǧylymi jūmystar aiaqtaldy dep aita almaimyz. Smaǧūl Säduaqasov atamyz aitqandai, artymyzǧa anyq köŋılmen, aldymyzǧa aşyq közben qaraiyq, elımızde bereke bolsyn» dedı.
Is-şarada Baiqoŋyr audanynyŋ äkımı Talǧat Rahmanberdı jäne Alaş qairatkerlerınıŋ ūrpaqtary söilegen sözderınde osyndai ıs-şaralar jastarǧa tereŋ oi salatynyn tılge tiek etıp, Alaş ziialylary tarihyn qūrmettep-baǧalau tūrǧysyndaǧy ıster jalǧasa bersın degen tılek bıldırdı.
Eske alu räsımıne Alaş qairatkerlerınıŋ ūrpaqtary, ǧalymdar, «Egemen Qazaqstan» gazetınıŋ tılşılerı, äkımdık ökılderı, L.Gumilev atyndaǧy Euraziia ūlttyq universitetınıŋ studentterı qatysty.
