Elımızdıŋ tehnikalyq jäne käsıptık bılım beru ūiymdarynda qūjattardy qabyldau bastaldy. Jaŋa oqu jylynda memlekettık bılım beru tapsyrysy boiynşa 145 myŋ abiturient qabyldanady dep josparlanuda. Būl ötken jylmen salystyrǧanda, 10 myŋ adamǧa köp, dep habarlaidy astana-akshamy.kz QR Oqu-aǧartu ministrlıgıne sılteme jasap.
Memlekettık bılım beru tapsyrysy tehnikalyq, iaǧni geologiia, maşina qūrastyru, energetika, IT, metallurgiia, kölık jäne t.b. mamandyqtar boiynşa köbeitıldı.
Sonymen qatar, biyl üşınşı jyl qatarynan kolledj abiturientterdı jūmysqa ornalastyru mındettemesımen käsıporyndardyŋ ötınımderı boiynşa qabyldauda. Būl jyl saiyn eŋbek naryǧynyŋ sūranysyna sai mamandyqtarǧa 10 myŋ studenttı qabyldauǧa mümkındık beredı.
Sondai-aq osy jyldan bastap kolledjge kvota tızımı keŋeitılıp, arttyrylady:
- I nemese II toptaǧy mügedektıgı bar adamdar, bala kezınen mügedektıgı bar adamdar, mügedektıgı bar balalar arasynan şyqqan azamattar üşın;
- bala kezınen mügedektıgı bar balalardy, I nemese II toptaǧy mügedektıgı bar adamdardy tärbielep otyrǧan otbasylardaǧy balalar üşın;
- äskerge şaqyru boiynşa merzımdı äskeri qyzmettıŋ belgılengen merzımın ötkergen Qazaqstan Respublikasynyŋ azamattary üşın.
Abiturientter ötınıştı kolledjge qaǧaz türınde jäne egov.kz portaly arqyly elektrondy türde ekı jolmen bere alady. Kolledjge tüsu üşın 9-synyp tülekterı 25 mausym men 18 tamyz, 11-synyp tülekterı 25 mausym men 20 tamyz aralyǧynda qūjat tapsyra alady.
