Būl mälımetterdı bügın medisina qyzmetkerlerın käsıbi merekelerımen qūttyqtaǧan Astana äkımı Jeŋıs Qasymbek mälım ettı.
«Medisina qyzmetkerlerın käsıbi merekelerımen qūttyqtaimyn! Densaulyq – qolymyzda bar eŋ qūndy närse, al sızder – bızdıŋ basty qaharmandarymyz osy jolda kün saiyn toqtausyz eŋbek etıp jürsızder. Elordanyŋ memlekettık densaulyq saqtau sektorynda 12 myŋǧa juyq medisina qyzmetkerı jūmys ısteidı. Sızderdıŋ ärqaisylaryŋyz ūltymyzdyŋ densaulyǧyna baǧa jetpes üles qosyp kelesızder»,-dedı elorda äkım özınıŋ Instagram paraqşasynda.
Sondai-aq ol qalanyŋ densaulyq saqtau salasyna qatysty bırqatar mälımetterdı keltırdı.
Äkımnıŋ sözınşe, byltyr emhanalardyŋ därıgerlerı 10 millionnan astam qabyldau ötkızıp, jedel järdem qyzmetkerlerı 700 myŋnan astam şaqyrtuǧa şyqqan. Elorda stasionarlary 200 myŋǧa juyq nauqastyŋ ömırın saqtap qalyp, jüz myŋnan astam kürdelı operasiia jasalǧan. Sızder 30 myŋnan astam säbidıŋ ömırge keluıne kömektestıŋızder! Osy sandarǧa qarap-aq ülken jūmystaryŋyz ben adal eŋbekterıŋız turaly aituǧa bolady.
«Memleket basşysy densaulyq saqtau jüiesın damytu, därıgerlerdı jan-jaqty qoldau – memlekettıŋ basym mındetterınıŋ bırı ekenın atap öttı. Bız medisina qyzmetkerlerı men nauqastar üşın qolaily jaǧdai jasau boiynşa jūmysty jalǧastyramyz»,-dedı Jeŋıs Qasymbek.
Ol keltırgen mälımetterge qaraǧanda, aldaǧy üş jylda 11 densaulyq saqtau nysanyn, onyŋ ışınde 2 perinataldyq ortalyq, 2 jaŋa zamanaui köpsalaly auruhana, onyŋ ışınde balalar auruhanasy, 2 memlekettık jäne 5 jeke emhana salu josparanyp otyr.
«Medisinalyq ūiymdardy zamanaui tehnikamen qamtamasyz etu, medisina qyzmetkerlerınıŋ bılıktılıgın arttyru maŋyzdy mındet bolyp sanalady. Aqhalatty jandardy käsıbi merekemen qūttyqtaimyn! Sızderge zor densaulyq, baqyt jäne amandyq tıleimın!» – dep jazdy elorda äkımı.
